គ្រូ PSG អះអាងដោះស្រាយបញ្ហាដណ្ដើមគ្នាស៊ុតប៉េណាល់ទី
- 2017-09-18 09:54:48
- ចំនួនមតិ 0 | ចំនួនចែករំលែក 0
គ្រូ PSG អះអាងដោះស្រាយបញ្ហាដណ្ដើមគ្នាស៊ុតប៉េណាល់ទី
ចន្លោះមិនឃើញ
លោក Unai Emery គ្រូបង្វឹកក្រុម PSG បានមើលឃើញពីភាពចម្រូងចម្រាសរវាងកូនក្រុម Neymar និង Edinson Cavani ក្នុងការប្រកួតកាលពីយប់មិញ បន្ទាប់ពីកីឡាករទាំងពីរហាក់មិនដាច់ស្រេចគ្នាក្នុងការកំណត់ថា នរណាជាអ្នកទាត់បាល់ ១១ម៉ែត្រ។
ខ្សែប្រយុទ្ធទាំងពីររូប ហាក់មានការឈ្លោះប្រកែកគ្នា ក្នុងពេលដែលអាជ្ញាកណ្ដាលផ្ដល់បាល់ប៉េណាល់ទីដល់ PSG ក្នុងជំនួបដែលយកឈ្នះ Lyon ដោយលទ្ធផល ២-០ ។
ក្រោយបញ្ហានេះ លោក Unai Emery បាននិយាយថា៖ «ខ្ញុំធ្លាប់ប្រាប់ពួកគេហើយឲ្យនិយាយគ្នាឲ្យដាច់ស្រេច។ ខ្ញុំគិតថា ពួកគេអាចធ្វើរឿងនេះបាន ហើយពួកគេទាំងពីរគឺជាអ្នកទាត់បាល់១១ម៉ែត្ររបស់ពួកយើង។ ប្រសិនបើពួកគេនិយាយមិនត្រូវគ្នា ខ្ញុំនឹងសម្រេចឲ្យពួកគេវិញ»។
លោកបន្តថា « ខ្ញុំមិនចង់ឲ្យវាក្លាយជាបញ្ហាសម្រាប់ពួកយើងនោះទេ»។
យ៉ាងណាមិញ Cavani គឺជាអ្នកស៊ុតបាល់ប៉េណាល់ទីនោះ តែធ្វើមិនបានសម្រេចឡើយ ដោយសារអ្នកចាំទី Lyon ជួយសង្គ្រោះបាន៕
ចុចអាន PSG សំណាង យកឈ្នះ Lyon ២-០ សុទ្ធតែបាល់ Own Goal
© រក្សាសិទ្ធិគ្រប់យ៉ាងដោយ Sabay ឆ្នាំ២០១៦
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
