Kagawa បង្កើតកំណត់ត្រាដែលកីឡាករជប៉ុនមិនធ្លាប់ធ្វើបាននៅ Bundesliga

2017-10-02 06:44:51
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

Shinji Kagawa របស់ក្រុម Borussia Dortmund បានបង្កើតកំណត់ត្រាថ្មី ជាកីឡាករជប៉ុនដែលរកគ្រាប់បាល់បានច្រើនជាងគេ បន្ទាប់ពីស៊ុតបញ្ចូលទីក្នុងការប្រកួតដែលយកឈ្នះ Augsburg ក្នុងលទ្ធផល ២-១ កាលពីចុងសប្ដាហ៍កន្លងទៅ។

Shinji Kagawa (រូបភាព៖ ESPN)

កីឡាករវ័យ ២៨ឆ្នាំរូបនេះ បានស៊ុតគ្រាប់ទី៣៨ នៅក្របខ័ណ្ឌ Bundesliga ដើម្បីនាំមុខ Shinji Okazaki ដែលធ្លាប់លេងនៅ Stuttgart និង Mainz មុនផ្ទេរទៅក្រុម Leicester នៅក្របខ័ណ្ឌ English Premier League កាលពីឆ្នាំ២០១៥។

Kagawa រកបាន ២១គ្រាប់ នៅ Dortmund កាលពីឆ្នាំ២០១០ ដល់ ២០១២ រួចបានផ្ទេរចេញទៅ Manchester United ។ កាលពីឆ្នាំ២០១៤ រូបគេបានត្រឡប់ចូលរួមជាមួយ Dortmund ជាលើកទីពីរ និងអាចរកបន្ថែម ១៧គ្រាប់ទៀត គិតមកទល់ពេលនេះ។

ជ័យជម្នះខាងលើ បានធ្វើឲ្យ Dortmund ឈរនៅលើកំពូលតារាង ដាច់ក្រុម Bayern Munich ដែលកំពុងស្ថិតនៅលេខ២ ចំនួន ៥ពិន្ទុ៕

ប្រភព៖ Football Tribe ប្រែសម្រួល៖ លាភ.