អតីតកីឡាករវៀតណាម ថាក្រុមនេះកំពុងជួបវិបត្តិខ្វះខ្សែប្រយុទ្ធមុតស្រួច

2017-10-04 06:50:35
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Le Huynh Duc អតីតខ្សែប្រយុទ្ធក្រុមជម្រើសជាតិវៀតណាម បានបង្ហាញការខកចិត្ត បន្ទាប់ពីខ្សែប្រយុទ្ធម្នាក់ដែលមិនបានជាប់ជម្រើសជាតិជាង ៣ឆ្នាំ ត្រូវបានគ្រូបង្វឹកបណ្ដោះអាសន្ន កោះហៅចូលក្រុមជម្រើសជាតិជាថ្មី ដើម្បីត្រៀមប៉ះក្រុមជម្រើសជាតិកម្ពុជា នៅវគ្គជម្រុះ AFC Asian Cup 2019 នៅថ្ងៃទី១០ ខែតុលា ឆ្នាំ២០១៧។

លោក Mai Duc Chung បានកោះហៅខ្សែប្រយុទ្ធ Nguyen Anh Duc ជាថ្មី ទោះបីជាកីឡាករវ័យ ៣២ឆ្នាំរូបនេះ មិនត្រូវបានគ្រូបង្វឹកពីមុន ជ្រើសរើសដាក់ក្នុងបញ្ជីក្រុមជម្រើសជាតិវៀតណាមតាំងពីឆ្នាំ២០១៤ ក៏ដោយ។ មូលហេតុដែលមិនអាចជាប់ជម្រើសជាតិ គឺដោយសារបញ្ហាផ្ទាល់ខ្លួនរបស់គេ។

ខ្សែប្រយុទ្ធ Nguyen Anh Duc (រូបភាព៖ Alchetron)

ខ្សែប្រយុទ្ធរបស់ក្លឹប Becamex Binh Duong នេះបច្ចុប្បន្ន ជាអ្នកស៊ុតបញ្ចូលទីច្រើនជាងគេនៅលីគកំពូលវៀតណាម។ ប៉ុន្តែ លោក Huynh Duc បានអះអាងថា ការវិលត្រឡប់របស់ខ្សែប្រយុទ្ធដែលគេបំភ្លេចចោលនៅក្រុមជម្រើសជាតិរូបនេះ បង្ហាញថា ក្រុមជម្រើសជាតិវៀតណាមកំពុងជួបកង្វះខ្សែប្រយុទ្ធមុតស្រួច។

សូមបញ្ជាក់ថា លោក Huynh Duc គឺជាគ្រូបង្វឹករបស់ក្រុម SHB Da Nang ៕

ប្រភព៖ Football Tribe ប្រែសម្រួល៖ លាភ.