Rashford បង្ហើបពីការរៀនស៊ុតបាល់ហ្វ្រីឃីកតាម Ronaldo

2017-10-04 09:33:59
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ខ្សែប្រយុទ្ធវ័យក្មេង Marcus Rashford របស់ក្រុម Manchester United បានអះអាងថា ខ្លួនអាចស៊ុតបាល់ហ្វ្រីឃីក ដូចតារាបាល់ទាត់ឆ្នើម Cristiano Ronaldo ប៉ុន្តែរូបគេមិនទាន់មានឱកាសដើម្បីបង្ហាញវានៅឡើយ។

Rashford ស៊ុតហ្វ្រីឃីក

កីឡាករវ័យ ១៩ឆ្នាំរូបនេះ បានក្លាយជាកីឡាករដ៏សំខាន់ក្នុងជម្រើស១១នាក់ដំបូងរបស់ក្រុមបិសាចក្រហម ចាប់តាំងពីបង្ហាញខ្លួនកាលពី ២ឆ្នាំមុន។ ហើយបច្ចុប្បន្ន លោក Jose Mourinho គ្រូបង្វឹក Man Utd បានផ្ដល់តួនាទីស៊ុតបាល់ហ្វ្រីឃីកទៅដល់ Rashford ផងដែរ។

យុវជនសញ្ជាតិអង់គ្លេសរូបនេះ ធ្លាប់ស៊ុតចូលតាមរយៈបាល់ហ្វ្រីឃីកតែមួយគ្រាប់ប៉ុណ្ណោះ កាលពីខែមេសា ពេលប្រកួតទល់នឹងក្រុម Celta Vigo ។ ទោះជាយ៉ាងណា Rashford អះអាងថា សមត្ថភាពរបស់គេ ល្អប្រហាក់ប្រហែលនឹង Ronaldo ដែរ។

«ខ្ញុំអាចធ្វើដូចគាត់ (Ronaldo) បាន ប៉ុន្តែខ្ញុំមិនទាន់បានបង្ហាញវា»។ នេះជាសម្ដីរបស់ Rashford ។

Ronaldo មានភាពល្បីល្បាញ លើសមត្ថភាពស៊ុតហ្វ្រីឃីក កាលពីរូបគេជាកីឡាកររបស់ Man Utd ដែលមានរយៈពេល ៦ឆ្នាំ៕

ប្រភព៖ The Sun ប្រែសម្រួល៖ លាភ.