ខ្សែភាពយន្ត Kingsman ត្រូវបានហាមឃាត់មិនឲ្យបញ្ចាំងនៅកម្ពុជា
- 2017-10-13 00:44:58
- ចំនួនមតិ 0 | ចំនួនចែករំលែក 0
ខ្សែភាពយន្ត Kingsman ត្រូវបានហាមឃាត់មិនឲ្យបញ្ចាំងនៅកម្ពុជា
ចន្លោះមិនឃើញ
រឿង Kingsman: The Golden Circle ដែលជាវគ្គថ្មីនៃខ្សែភាពយន្តដ៏ល្បី Kingsman មិនត្រូវបានអនុញ្ញាតឲ្យចាក់បញ្ចាំងនៅក្នុងរោងភាពយន្តក្នុងប្រទេសកម្ពុជានោះទេ ដោយសារមានរូបភាពមិនល្អពីកម្ពុជា នៅក្នុងខ្សែភាពយន្តនោះ។
អាជ្ញាធរ បានបញ្ជាក់ថា ខ្សែភាពយន្តនេះ បានយកទឹកដីកម្ពុជា ជាកន្លែងដែលពួកភេរវកររស់នៅ ដើម្បីបង្កបញ្ហាដល់ពិភពលោក។
គួរបញ្ជាក់ថា នៅក្នុងខ្សែភាពយន្តនោះ មានបង្ហាញរូបភាពប្រាសាទនៅក្នុងព្រៃ ដែលដូចទៅនឹងប្រាសាទតាព្រហ្ម។ យ៉ាងណាក្ដី មិនមានការបញ្ជាក់ឈ្មោះប្រាសាទនៅក្នុងភាពយន្តនោះទេ។
ខ្សែភាពយន្ត Kingsman: The Golden Circle ដែលបន្តពីរឿង Kingsman: The Secret Service បានកើបចំណូលបានជាង ២៦១លានដុល្លាររួចមកហើយ ក្នុងរយៈពេលមិនដល់មួយខែនៃការចាក់បញ្ចាំង។
រំលឹកផងដែរថា កន្លងមក ក៏មានការហាមចាក់បញ្ចាំងខ្សែភាពយន្តបរទេសនៅកម្ពុជាដែរ ដូចជារឿង Fifty Shades of Grey និងរឿង The Wolf of Wall Street ជាដើម៕