ក្មេងម្នាក់ជូនលុយ ៥ផោនទៅកីឡាករម្នាក់ដែលជួយ Huddersfield ឈ្នះ Man Utd

2017-10-25 09:22:09
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្មេងប្រុសម្នាក់ ដែលត្រូវបានគេស្គាល់ឈ្មោះថា Adam បានជូនលុយចំនួន ៥ផោន ឬ ជិត ៧ដុល្លារ ទៅឲ្យកីឡាករសញ្ជាតិអូស្ត្រាលី Aaron Mooy ដែលបានស្វែងរកជ័យជម្នះឲ្យក្រុម Huddersfield ក្នុងការប្រកួតទល់នឹងក្រុម Manchester United កាលពីថ្ងៃសៅរ៍ សប្ដាហ៍មុន។

Mooy ស៊ុតបញ្ចូលទីគ្រាប់ដំបូងឲ្យ Huddersfield ពេលប៉ះ Man Utd

ក្នុងសំបុត្រមួយច្បាប់ ក្មេងប្រុសនោះបានសរសេរថា "Mooy អាចទទួលលុយនេះបាន ព្រោះគាត់លេងបានល្អ ហើយបានស៊ុតបញ្ចូលទីថែមទៀត"។ ក្មេងដដែលបានផ្ញើសំបុត្រ អមជាមួយសាច់ប្រាក់ ៥ផោន ទៅឲ្យគ្រូបង្វឹកលោក David Wagner ដើម្បីឲ្យលោកជូនបន្តទៅដល់ដៃ Mooy។

សំបុត្ររបស់ក្មេងប្រុសដែលមានឈ្មោះថា Adam

សំបុត្រនេះ ត្រូវបានលាតត្រដាងនៅលើបណ្ដាញសង្គម Twitter របស់នាយកគ្រប់គ្រងក្រុម Huddersfield ក្រោយ Mooy ដែលមានវ័យ ២៧ឆ្នាំ ស៊ុតគ្រាប់បើកឆាក ក្នុងការប្រកួតដែលយកឈ្នះក្រុមបិសាចក្រហម ដោយលទ្ធផល ២-១ ។ លទ្ធផលនេះ ធ្វើឲ្យ Huddersfield ទទួលបានជ័យជម្នះលើកដំបូងលើ Man Utd ក្នុងរយៈពេល ៦៥ឆ្នាំ៕

ប្រភព៖ BBC ប្រែសម្រួល៖ លាភ.