យោធាស៊ីមបាវ៉េ ឡើងកាន់អំណាចភ្លាម ចាប់រដ្ឋមន្រ្តីហិរញ្ញវត្ថុតែម្តង
- 2017-11-15 07:43:39
- ចំនួនមតិ 0 | ចំនួនចែករំលែក 0
យោធាស៊ីមបាវ៉េ ឡើងកាន់អំណាចភ្លាម ចាប់រដ្ឋមន្រ្តីហិរញ្ញវត្ថុតែម្តង
ចន្លោះមិនឃើញ
នៅថ្ងៃទី១៥ ខែវិច្ឆិកា ២០១៧នេះ យោធាស៊ីមបាវ៉េ បន្ទាប់ពីក្តោបក្តាប់អំណាចភ្លាម ក៏បានចាប់ឃុំខ្លួនរដ្ឋមន្រ្តីហិរញ្ញវត្ថុលោក Ignatius Chombo តែម្តង។ ការចាប់ខ្លួនទាំងបង្ខំបែបនេះ គឺក្នុងគោលបំណងជីកឬសគល់ក្រុមឧក្រិដ្ឋជន ដែលនៅជុំវិញខ្លួនលោកប្រធានាធិបតី Robert Mugabe ដោយក្រុមយោធាអះអាងថា បានធ្វើឲ្យរងគ្រោះដល់សង្គម និងសេដ្ឋកិច្ច។ នេះបើតាមមន្ត្រីរដ្ឋាភិបាល១រូប ដែលបានទម្លាយឲ្យដឹង។
មេបញ្ជាការរូបនេះ អះអាងថា៖ «ភ្លាមៗនៅពេលដែលយើងបញ្ចប់បេសកកម្មរបស់យើង យើងរំពឹងថាស្ថានភាពនឹងវិលទៅរកភាពប្រក្រតីវិញ»។ លោកក៏បានជំរុញឲ្យប្រជាជនស៊ីមបាវ៉េ រក្សាភាពស្ងប់ស្ងាត់ផងដែរ។ ចំណែកគណបក្សនយោបាយទាំងអស់ ត្រូវណែនាំឲ្យរក្សាការអត់ធ្មត់ ចៀសវាងកើតអំពើហិង្សាណាមួយ។
យ៉ាងណាមិញ បើតាមការបង្ហោះនៅលើបណ្តាញ Twitter របស់គណបក្សកាន់អំណាច Zanu-PF បានឲ្យដឹងថា លោក Mugabe ត្រូវបានចាប់ឃុំខ្លួនផងដែរ ហើយថានេះមិនមែនជារដ្ឋប្រហារទេ គឺជាការផ្ទេរអំណាចដោយមិនបង្ហូរឈាម៕