អាមេរិក សម្រេចជួយស៊ីម៉ាក់ ដោះមីននៅកម្ពុជា រយៈពេល២ខែបន្តទៀត

2017-11-16 01:49:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ស្ថានទូតអាមេរិកប្រចាំកម្ពុជា បានបញ្ជាក់ពីសម្រេចចិត្តបន្តជំនួយដល់ប្រតិបត្តិការរបស់ស៊ីម៉ាក់ រយៈពេល២ខែទៀតគឺខែមករា និងខែកុម្ភៈ ឆ្នាំ២០១៨។ នេះជាការប្រកាសរបស់លោក ហេង រតនា ប្រធានមជ្ឈមណ្ឌលសកម្មភាពកម្ចាត់មីនកម្ពុជា កាលពីរសៀលថ្ងៃទី១៥ ខែវិច្ឆិកា ឆ្នាំ២០១៧។

លោក ហេង រតនា បានបង្ហាញក្ដីសង្ឃឹមថា ការបន្តជំនួយរបស់អាមេរិកនេះ នឹងអាចបន្ថយការលំបាករបស់រដ្ឋាភិបាលកម្ពុជា និងជាការឆ្លុះបញ្ចាំងពីភាពជាដៃគូរវាងប្រទេសទាំង២ ដើម្បីដោះស្រាយវិបត្តិសំណល់ជាតិផ្ទុះដែលបន្សល់ពីសម័យសង្គ្រាម។

សូមបញ្ជាក់ថា កាលពីថ្ងៃទី៧ ខែវិច្ឆិកា ឆ្នាំ២០១៧ លោក ហេង រតនា បានប្រកាសពីការផ្តាច់ជំនួយរបស់អាមេរិក ដល់មជ្ឈមណ្ឌលកម្ចាត់មីនកម្ពុជា ស៊ីម៉ាក់ ក្នុងការបោសសម្អាតគ្រាប់បែកអាមេរិក នៅកម្ពុជា។ ប៉ុន្តែមួយថ្ងៃក្រោយមក គឺនៅថ្ងៃទី៨ ខែវិច្ឆិកា ឆ្នាំ២០១៧ ស្ថានទូតសហរដ្ឋអាមេរិក ប្រចាំនៅកម្ពុជា បានបញ្ជាក់ថា សហរដ្ឋអាមេរិក នឹងនៅតែបន្តផ្តល់ជំនួយក្នុងការបោសសម្អាតមីន និងគ្រាប់បែករបស់ខ្លួន នៅភាគខាងកើតកម្ពុជា។ គម្រោងនេះ នឹងចាប់ផ្តើម នៅឆ្នាំ២០១៨។