រកឃើញកូនពៅ ដែលបានកក់សំបុត្រយន្តហោះទៅលេង World Cup 2018
- 2017-11-16 04:08:38
- ចំនួនមតិ 0 | ចំនួនចែករំលែក 0
រកឃើញកូនពៅ ដែលបានកក់សំបុត្រយន្តហោះទៅលេង World Cup 2018
ចន្លោះមិនឃើញ
ក្រុមបាល់ទាត់ជម្រើសជាតិប៉េរូ បានក្លាយជាក្រុមចុងក្រោយគេ ក្នុងចំណោមក្រុមទាំង៣២ ដែលបានទៅចូលរួមព្រឹត្តិការណ៍បាល់ទាត់ពិភពលោក FIFA World Cup 2018 បន្ទាប់ពីយកឈ្នះក្រុមជម្រើសជាតិ នូវែលហ្សេឡង់ ក្នុងវគ្គ Play-off អន្តរជាតិ ដោយលទ្ធផលសរុបទាំងពីរជើង ២-០ (ជើងទីមួយ ០-០)។
ក្នុងការប្រកួតជើងទីពីរ ដែលបានបញ្ចប់ក្នុងលទ្ធផល ២-០ អម្បាញ់មិញនេះ ក្រុមប៉េរូ រកគ្រាប់បាល់បាន១គ្រាប់ពីខ្សែបម្រើ Jefferson Farfan នៅនាទី២៨ និង១គ្រាប់ទៀតពីខ្សែការពារ Christian Ramos នៅនាទី៦៥។
សូមបញ្ជាក់ថា ប៉េរូ ជាក្រុមមកពីទ្វីបអាមេរិកខាងត្បូង ខណៈនូវែលហ្សេឡង់ មកពីទ្វីបអូសេអានី៕