ពេជ្រ ម្ទេសខ្មាំង ថា បើប៉ះថៃ គេរឹតតែខំវ៉ៃថែមទៀត

2017-12-07 08:04:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ពេជ្រ ម្ទេសខ្មាំង បានឲ្យដឹងថា មានពេលខ្លះ ដៃគូសុំឲ្យរូបគេវ៉ៃល្មមៗក៏ដោយ តែខ្លួនមិនអាណិតនោះទេ។ ជាពិសេសទៀតនោះ បើប៉ះបរទេសដូចជាថៃជាដើម វាជំរុញទឹកចិត្តរបស់គេឲ្យរឹតតែខំវ៉ៃថែមទៀត។

ពេជ្រ ម្ទេសខ្មាំង ឈ្នះមេដាយមាសជើងឯកជាតិ

ម្ចាស់មេដាយមាសជើងឯកជាតិឆ្នាំ២០១៧ ប្រាប់ទៀតថា ខ្លួនមិនចង់ទម្លាប់ខ្លួនវ៉ៃត្រឹមតែឈ្នះពិន្ទុហើយឈប់វ៉ៃនោះទេ ហើយក៏មិនចង់ឲ្យអ្នកទស្សនាមិនពេញទៅនឹងការវ៉ៃមិនអស់របស់ខ្លួនដែរ។ យ៉ាងច្រើនពេលចុះពីសង្វៀនវិញសុំទោសគ្នាទៅបានហើយ។ ***«ខ្ញុំវ៉ៃគឺអត់ចេះអាណិតដៃគូនោះទេ វ៉ៃរហូតទល់តែទស្សនិជននិយាយថា វ៉ៃច្រើនដូចនេះបើចាញ់ក៏អស់ចិត្តដែរ»***។ នេះជាសម្ដី ពេជ្រ ម្ទេសខ្មាំង។

ពេជ្រ ម្ទេសខ្មាំង

ពេជ្រ ម្ទេសខ្មាំង ជាកីឡាករជើងខ្លាំងមួយរូបរបស់ប្រទេសកម្ពុជា ហើយគេក៏ជាម្ចាស់មេដាយសំរឹទ្ធស៊ីហ្គេមឆ្នាំ២០១៧ នៅប្រទេសម៉ាឡេស៊ីទៀតផង។ រាល់ការប្រកួតរបស់គេតែងតែជក់ចិត្ត និងភាគច្រើនមិនដល់ទឹកទី៥នោះឡើយ។ ជាក់ស្ដែង២ប្រកួតចុងក្រោយនេះ រូបគេផ្ដួលដៃគូឲ្យសន្លប់ទឹកទី១ដូចគ្នា មួយនៅកម្មវិធី Khmer-Thai Fight និង កម្មវិធីជ្រើសរើសជើងឯកថ្នាក់ជាតិប្រដាល់សកលឆ្នាំ២០១៧៕

ប្រភព៖ Sabay News អត្ថបទ៖ នួន ស៊ីណា