Ronaldo មិនស្ថិតក្នុងចំណោមខ្សែប្រយុទ្ធល្អទាំង១០ ក្នុងលីគអឺរ៉ុបទាំង៥ បច្ចុប្បន្នទេ

2017-12-13 04:00:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

តារាបាល់ទាត់ Cristiano Ronaldo របស់ក្លឹប Real Madrid មិនជាប់ជាខ្សែប្រយុទ្ធល្អទាំង១០ ក្នុងចំណោមលីគកំពូលអឺរ៉ុបទាំង៥ (អង់គ្លេស, បារាំង, អេស្ប៉ាញ, អ៊ីតាលី និង អាល្លឺម៉ង់) នោះទេ ក្នុងរដូវកាលនេះ។ នេះបើតាមការវិភាគរបស់មន្ទីរពិសោធន៍បាល់ទាត់ CIES ។

ខ្សែប្រយុទ្ធវ័យ៣២ឆ្នាំរូបនេះ ទើបតែឈ្នះពានរង្វាន់ Ballon d'Or ជាលើកទី៥ កាលពីសប្ដាហ៍មុនប៉ុណ្ណោះ។ ប៉ុន្តែក្នុងរដូវកាល២០១៧-១៨នេះ រូបគេហាក់លេងមិនសូវបានល្អដូចកាលពីរដូវកាលមុនៗឡើយ។

ផ្នែកលើការបង្កើតឱកាស ការរួមចំណែកជួយដល់ក្រុម និងការស៊ុត របស់ Ronaldo មន្ទីរពិសោធន៍បាល់ទាត់ដដែលរកឃើញថា កីឡាករសញ្ជាតិព័រទុយហ្គាល់រូបនេះបានធ្លាក់ទៅលេខ ១២ ។ ចំណែកលេខ១ បានទៅលើ Sergio Aguero របស់ Man City លេខ២ Robert Lewandowski របស់ Bayern Munich និងលេខ៣ បានលើ Ciro Immobile របស់ Lazio ។

មូលហេតុដែលបណ្ដាលឲ្យ Ronaldo ធ្លាក់ចំណាត់ថ្នាក់ដល់លេខ១២នេះ គឺអាចមកពីការចាប់ផ្ដើមរដូវកាលនេះ រូបគេធ្វើមិនសូវបានល្អ ក្នុងនោះ រកបានទើបតែ ៤គ្រាប់ប៉ុណ្ណោះ នៅក្របខ័ណ្ឌ La Liga ក្នុងចំណោមការព្យាយាមស៊ុត ៥៧ ដង។ រូបគេក៏បានបង្កើតឱកាសចំនួន ១៩ ដង ក្នុង ១១ប្រកួតផងដែរ៕

ខ្សែប្រយុទ្ធល្អទាំង១០ នៅលីគកំពូលអឺរ៉ុបទាំង៥ បច្ចុប្បន្ន