Wenger ថា បាល់ទាត់គួរយកត្រាប់តាមកីឡាស៊ូម៉ូ ក្រោយការប៉ះទង្គិចគ្នារវាង Man Utd-Man City

2017-12-13 09:49:28
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Arsene Wenger បានអះអាងថា ខ្លួនបានរៀនសូត្រពីកីឡាស៊ូម៉ូ របស់ជប៉ុន ដោយការធ្វើខ្លួនឲ្យថ្លៃថ្នូរនៅពេលឈ្នះលើគូប្រកួត។ ការលើកឡើងនេះ កើតមានបន្ទាប់ពីអំពើហិង្សាវាយតប់រវាងសមាជិកក្រុម Manchester United និង Manchester City នៅបន្ទប់ផ្លាស់សម្លៀកបំពាក់ នៅកីឡដ្ឋាន Old Trafford កាលពីពេលថ្មីៗកន្លងទៅ។

កីឡាកររបស់ Man City អបអរ ក្រោយយកឈ្នះ Man Utd នៅកីឡដ្ឋាន Old Trafford

គ្រូបង្វឹកក្រុមកាំភ្លើងធំ Arsenal ដែលធ្លាប់ដឹកនាំក្រុម Grampus Eight រយៈពេល២ឆ្នាំមុនចូលដឹកនាំ Arsenal កាលពីឆ្នាំ១៩៩៦ បានលើកឡើងថា កីឡាករបាល់ទាត់គួរតែរៀនសូត្រពីកីឡាករ ស៊ូម៉ូ។ លោកថា៖ ***«វាពិតជាពិបាកធ្វើចិត្តបំផុត នៅពេលដែលក្រុមអ្នកចាញ់ការប្រកួតដ៏សំខាន់ដូច្នេះ ហើយត្រូវក្រុមម្ខាងទៀតអបអរបញ្ឈឺថែមទៀត។ នៅជប៉ុន ពេលចូលមើលការប្រកួតស៊ូម៉ូ យើងមិនអាចដឹងអ្នកណាជាអ្នកឈ្នះនោះទេ ព្រោះពួកគេមិនបង្ហាញពីអារម្មណ៍សប្បាយរីករាយឲ្យយើងបានដឹងឡើយ ដោយសារតែការគោរពចំពោះគូប្រកួតរបស់ពួកគេ។ វាបង្ហាញពីវប្បធម៌ដ៏ជ្រាលជ្រៅរបស់ពួកគេ អំពីការគោរពគ្នាទៅវិញទៅមក»***។

កីឡា ស៊ូម៉ូ

គួររំឭកថា គ្រូបង្វឹកសញ្ជាតិបារាំងដដែល ក៏ធ្លាប់មានប្រវត្តិប៉ះទង្គិចនៅកីឡដ្ឋាន Old Trafford និង នៅកីឡដ្ឋានរបស់ក្លឹប West Ham ដោយប៉ះទង្គិចជាមួយលោក Alan Pardew កាលពីឆ្នាំ២០០៦ ផងដែរ៕