គ្រូជំនួយក្លឹបទ័ព ទម្លាយក្បួនលេងរបស់ណាហ្គា

2017-12-21 03:34:40
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

គ្រូជំនួយក្លឹបក្រសួងការពារជាតិ លោក ភា សុភ័ត្រា បានអះអាងថា ណាហ្គាវើល បានប្រើទម្រង់លេងស្ទើរតែដូចទាំងស្រុងទៅនឹងការប្រកួតជាមួយក្រុមលោក កាលពីលើកមុន ដែលធ្វើឲ្យក្រុមទ័ព អាចចាប់ចំណុចនេះបាន។ ការលើកឡើងនេះ ក្រោយទ័ព យកឈ្នះណាហ្គាវើល ក្នុងវគ្គ Play Off នៃពានរង្វាន់លីគកំពូលកម្ពុជា ដោយបាល់កាត់សេចក្តី ១១ម៉ែត្រ ក្នុងលទ្ធផល ៤-៣ កាលពីយប់មិញ។

លោក ភា សុភ័ត្រា នៅស្តាតចាស់ (រូបថតនាពេលកន្លងមក)

លោកបញ្ជាក់ថា ណាហ្គាវើល តែងលេងបាល់នៅតំបន់ក្រោម ដើម្បីឲ្យកីឡាកររបស់ទ័ពព្យាយាមតាមយកបាល់ ដែលនេះជាកលល្បិចបោកបញ្ឆោតមួយ ក្នុងការធ្វើឲ្យកីឡាកររបស់លោកប្រើកម្លាំងខ្លាំង។ នេះជាកលល្បិចដែលស្រដៀង ទៅនឹងកាលដែលណាហ្គាវើល ធ្លាប់យកឈ្នះក្រុមរបស់លោកកាលលេងនៅវគ្គសន្សំពិន្ទុ។

លោកបន្ថែមថា មួយចំណុចទៀតគឺក្រុមរបស់លោកតែងបាត់បាល់នៅតំបន់កណ្ដាល រួចបណ្ដោយឲ្យដៃគូវាយបក នេះក៏ជាចំណុចមួយដែលបានកែប្រែរួចហើយដែរ។ សម្រាប់ផែនការបន្ទាប់ដែលត្រូវទៅជួបជាមួយព្រះខ័នរាជស្វាយរៀងនោះ ទ័ព មានក្ដីរំពឹងថា នឹងអាចធ្វើបានល្អដូចគ្នា៕

សូមទស្សនារូបភាពខ្លះៗនៃការប្រកួតយប់មិញ៖