អតីតវីរបុរសរបស់ Arsenal និយាយពីការបណ្ដេញ Zidane

2017-12-25 01:31:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

Thierry Henry បានចាត់ទុកព័ត៌មាននៃការបណ្ដេញលោក Zinedine Zidane គ្រូបង្វឹកក្លឹបយក្ស Real Madrid ជារឿងគួរឲ្យអស់សំណើច ទោះបីជាទម្រង់លេងរបស់ Real បច្ចុប្បន្ន ពុំសូវបានល្អក៏ដោយ។

Zidane និង Henry

ក្រុមអធិរាជស បានចាញ់ Barcelona ក្នុងការប្រកួត El Clasico កាលពីថ្ងៃសៅរ៍កន្លងទៅ ដោយលទ្ធផល ០-៣ ធ្វើឲ្យពួកគេចាញ់ពិន្ទុក្រុមអ្នកមានបុណ្យរហូតដល់ ១៤ពិន្ទុ។

អតីតកីឡាកររបស់ Arsenal និង Barcelona (Henry) បានគាំទ្រ Zidane ក្នុងការដឹកនាំ Real Madrid បន្ត ដោយផ្នែកលើជោគជ័យដែលរូបលោកធ្លាប់ទទួលបានក្រោយចូលដឹកនាំបន្តពីលោក Rafa Benitez កាលពី ២ឆ្នាំកន្លងទៅ។

Zidane បានជួយឲ្យ Real Madrid ឈ្នះពានរង្វាន់ធំៗដូចជា Champions League ចំនួន ២លើក និង លីគកំពូលអេស្ប៉ាញ ១លើក។ ប៉ុន្តែមួយរយៈនេះ តំណែងរបស់លោកកំពុងស្ថិតក្នុងភាពរង្គោះរង្គើ ជាពិសេសការជ្រើសរើសកីឡាករ Mateo Kovacic ជំនួស Isco នៅក្នុងតំបន់បម្រើ និងទុក Gareth Bale ជាកីឡាករបម្រុង ក្នុងជំនួបដ៏សំខាន់ទល់នឹង Barcelona ។ យ៉ាងណាមិញ Henry និយាយថា បរាជ័យខាងលើ ដោយសារទម្រង់លេងកីឡាករ មិនមែនមកពីយុទ្ធសាស្ត្ររបស់គ្រូបង្វឹកឡើយ៕

ប្រភព៖ ESPN FC ប្រែសម្រួល៖ លាភ.