Theerathon គ្រោងផ្លាស់ទ្រនំថ្មី ក្រោយទទួលការចាប់អារម្មណ៍ពីក្លឹបជប៉ុន

2017-12-27 03:40:38
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

តារាបាល់ទាត់ថៃ Theerathon Bunmathan បានអះអាងថា ការផ្លាស់ទៅលេងនៅលីគកំពូលជប៉ុន គឺជាក្ដីសុបិនរបស់ខ្លួន បន្ទាប់ពីក្លឹប Vissel Kobe ត្រូវបានរាយការណ៍ថា បានចាប់អារម្មណ៍ដើម្បីចរចាលើការនាំយកកីឡាកររបស់ក្លឹប Muangthong United នេះ ទៅកាន់ប្រទេសមហាអំណាចបាល់ទាត់ក្នុងតំបន់អាស៊ី។

Theerathon Bunmathan

Theerathon ដែលអាចលេងបានទាំងនៅតំបន់ការពារស្លាប និងបម្រើស្លាបឆ្វេង បានក្លាយជាគោលដៅរបស់ក្លឹប Vissel Kobe ក្រោយការផ្លាស់ទៅកាន់ក្លឹប Consadole Sapporo របស់តារាបាល់ទាត់ថៃ Chanathip Songkrasin និងការផ្ទេរទៅក្លឹប Sanfrecce Hiroshima របស់ខ្សែប្រយុទ្ធថៃ Teerasil Dangda ។

អ្នកគាំទ្រជប៉ុនភាគច្រើន បានស្គាល់ពីការលេងរបស់ Theerathon ជាពិសេស គ្រាប់បាល់របស់គេដែលបានស៊ុតឲ្យ Muangthong យកឈ្នះក្រុមខ្លាំងជប៉ុន Kashima Antlers ២-១ ក្នុងការប្រកួតវគ្គសន្សំពិន្ទុ ព្រឹត្តិការណ៍ 2017 AFC Champions League នាពេលកន្លងទៅ។

កីឡាករថៃរូបនេះ ក៏ធ្លាប់រួមចំណែកក្នុងការប្រកួតទល់នឹងក្រុមជប៉ុនផ្សេងទៀតផងដែរ នៅពេលដែលលេងឲ្យ Buriram United ។ កីឡាករវ័យ ២៤ឆ្នាំដដែល បានស៊ុតបញ្ចូលទីលើក្រុម Cerezo Osaka កាលពីឆ្នាំ២០១៤ ព្រមទាំងរកបានគ្រាប់បាល់ក្នុងការប្រកួតទាំងក្នុង និងក្រៅដី ទល់នឹងក្លឹប Gamba Osaka នាឆ្នាំបន្ទាប់៕

ប្រភព៖ ESPN FC ប្រែសម្រួល៖ លាភ.