អូបាម៉ា ស៊ីដាច់ ត្រាំ ជាប់ជាបុរសដែលគួរឲ្យកោតសរសើរបំផុតនៅអាមេរិក

2017-12-28 07:03:11
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អតីតប្រធានាធិបតីអាមេរិក លោក បារ៉ាក់ អូបាម៉ា ត្រូវពលរដ្ឋអាមេរិកបោះឆ្នោតជាប់ជា បុរសដែលគួរឲ្យកោតសរសើរជាងគេបង្អស់នៅសហរដ្ឋអាមេរិក សម្រាប់ឆ្នាំ២០១៧។ នេះបើយោងតាមការបោះឆ្នោតធ្វើឡើងដោយក្រុមហ៊ុនស្រាវជ្រាវដ៏ល្បី Gallup នៅអាមេរិក។

លោក បារ៉ាក់ អូបាម៉ា អតីតប្រធានាធិបតីអាមេរិកទី៤៤

លោក អូបាម៉ា ទទួលបានងារនេះ ក្នុងរយៈពេល១០ឆ្នាំជាប់គ្នាមកហើយ។ ដោយឡែក លោក ត្រាំ ដែលជាប្រធានាធិបតីបច្ចុប្បន្ន បានត្រឹមឈរនៅលំដាប់ថ្នាក់ទី២ប៉ុណ្ណោះ។ លទ្ធផលបោះឆ្នោតគឺ លោក អូបាម៉ា ទទួលបានសំឡេង ១៧% ឯលោក ត្រាំ មាន ១៤%។

លោក ដូណាល់ ត្រាំ ប្រធានាធិបតីអាមេរិក

Gallup បញ្ជាក់ថា បុរសដែលទទួលបានងារ ច្រើនជាងលោក អូបាម៉ា គឺមានតែលោក Dwight Eisenhower ដែលជាអតីតប្រធានាធិបតីអាមេរិក (១៨៩០-១៩៦៩)។ លោក Dwight ត្រូវគេតាំងនាមជាបុរសគួរឲ្យសរសើរបំផុតចំនួន ១២លើក។

លោក Dwight Eisenhower អតីតប្រធានាធិបតីអាមេរិកទី៣៤

បើនិយាយពីស្ត្រីដែលគួរឲ្យកោតសរសើរជាងគេវិញ គឺបានទៅលើលោកស្រី Hillary Clinton ដែលតាមពីក្រោយដោយលោកស្រី Michelle Obama (ភរិយាលោក អូបាម៉ា)។ លោកស្រី Clinton ទទួលបានងារនេះចំនួន ២២លើក ច្រើនជាងនរណាៗទាំងអស់៕