គន្លឹះ៥យ៉ាង ក្នុងការថតនៅពេលមានពន្លឺថ្ងៃខ្លាំង
- 2018-01-02 03:50:15
- ចំនួនមតិ 0 | ចំនួនចែករំលែក 0
គន្លឹះ៥យ៉ាង ក្នុងការថតនៅពេលមានពន្លឺថ្ងៃខ្លាំង
ចន្លោះមិនឃើញ
ការថតរូបនៅពេល Golden Hour (ក្រោយថ្ងៃរះ និងមុនថ្ងៃលិច) ជារឿងងាយស្រួលក្នុងការបង្កើតរូបភាពស្អាតៗ ប៉ុន្តែប្រសិនបើថតនៅពេលថ្ងៃត្រង់ ឬ ពេលដែលមានពន្លឺថ្ងៃចាំងខ្លាំង នោះវានឹងផ្ដល់ការលំបាកក្នុងការផ្ដិតយករូបភាពដ៏ល្អមួយ។ យ៉ាងណាមិញ ខាងក្រោមជាគន្លឹះ ៥យ៉ាង ដើម្បីដោះស្រាយបញ្ហានេះ។
១- ធ្វើឲ្យពន្លឺជះមកលើម៉ូដែល ក្នុងសភាពស្មើ
ពន្លឺមិនស្មើ អាចបង្កើតជា Contrast និងស្រមោលដិតខ្លាំងនៅលើផ្ទៃមុខរបស់ម៉ូដែល។ ដូច្នេះ គួរឲ្យម៉ូដែល ឈរក្នុងទិសដៅដែលត្រឹមត្រូវ ដើម្បីឲ្យពន្លឺជះមកចំ មានសភាពស្មើល្អ។
២- ប្រើប្រាស់ចំណាំងផ្លាត (Reflector)
ចំណាំងផ្លាត ឬ Refector អាចធ្វើឲ្យរូបភាពមានលក្ខណៈធម្មជាតិ ដោយវាបានជះពន្លឺទៅលើម៉ូដែល ដើម្បីបំបាត់ស្រមោលខ្មៅផ្សេងៗ។
៣- បង្កើតម្លប់
ប្រើប្រាស់វត្ថុផ្សេងៗ ដែលអ្នកអាចកាន់ ដើម្បីបង្កើតជាម្លប់សម្រាប់ម៉ូដែល។ នេះជាវិធីដ៏ល្អមួយ ដើម្បីធ្វើឲ្យពន្លឺស្មើល្អសម្រាប់ការថតបែប Portrait ។
៤- ថតរូបក្នុងប្រភេទ File Raw
ថតជាលក្ខណៈ Underexpose បន្តិច ដើម្បីជៀសវាងធ្វើឲ្យរូបឆេះ នៅពេលមានពន្លឺថ្ងៃខ្លាំង។ ហើយប្រសិនបើថតជាប្រភេទ File Raw នោះគេអាចកែបានតាមក្រោយ តាមកម្មវិធីកែរូបផ្សេងៗ។
៥- រាប់ "១,២,៣"
ជាការពិតណាស់ ការថតនៅពេលមានពន្លឺថ្ងៃខ្លាំង ធ្វើឲ្យម៉ូដែលមានការពិបាកក្នុងការបើកភ្នែក ឬ បង្កើតទឹកមុខផ្សេងៗ។ ដូចនេះ ការរាប់ជាជម្រើសល្អ ដើម្បីពួកគេបើកភ្នែក ក្នុងរយៈពេលដ៏ខ្លីមួយ សម្រាប់ការចាក់យករូបភាព៕