Chanathip បង្ហើបពីគោលដៅសំខាន់២យ៉ាង សម្រាប់រដូវកាលទី២របស់ខ្លួននៅជប៉ុន

2018-01-03 07:58:25
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

បន្ទាប់ពីទទួលបានជោគជ័យនៅក្នុងរដូវកាលទីមួយ ជាមួយក្លឹបបាល់ទាត់ Consadole Sapporo ខ្សែបម្រើថៃ Chanathip Songkrasin បានបង្ហើបពីគោលដៅរបស់ខ្លួនចំនួនពីរ សម្រាប់រដូវកាល ២០១៨ ខាងមុខ នៅលីគកំពូលជប៉ុន J1 League ។

Chanathip Songkrasin

***«ខ្ញុំចង់ធ្វើយ៉ាងណា រកឲ្យបាន១គ្រាប់ ហើយខ្ញុំជឿជាក់ថាខ្ញុំអាចធ្វើបាន... ពួកយើងចង់ឲ្យក្លឹបបញ្ចប់ទៅនៅចំណាត់ថ្នាក់នៅលើពាក់កណ្ដាលតារាង ហើយខ្ញុំគិតថាពួកយើងអាចយកលេខ៤ ឬ លេខ៥ បាន។ (ចំណាត់ថ្នាក់លើនេះ) គឺអាចចូលរួមប្រកួត AFC Champions League ដូច្នេះពួកយើងត្រូវព្យាយាមធ្វើយ៉ាងណា បញ្ចប់នៅចំណាត់ថ្នាក់លើនេះ តាមដែលអាចធ្វើទៅបាន»***។ Chanathip បានប្រាប់ដល់សារព័ត៌មាន Sponichi ។

កីឡាករវ័យ២៤ឆ្នាំខាងលើ បានរួមចំណែកជួយឲ្យក្លឹប Consadole Sapporo បញ្ចប់ទៅក្នុងចំណាត់ថ្នាក់លេខ១១ ក្នុងរដូវកាល២០១៧។ ក្នុងនោះ បង្ហាញខ្លួនបាន ១៦លើក (ប្ដូរចូលក្នុងនាមកីឡាករបម្រុង១លើក និងត្រូវប្ដូរចេញ ៤លើក)។ Chanathip ដែលទទួលបានកាតលឿងត្រឹមតែ១លើក មិនទាន់អាចរកបាន១គ្រាប់នៅឡើយទេ ក្នុងនាមជាកីឡាកររបស់ Consadole Sapporo៕

ប្រភព៖ Football Tribe ប្រែសម្រួល៖ លាភ.