ស្រ្តីខ្មែរម្នាក់ ឈ្នះជើងឯកស្នូកឃ័រ ប្រចាំកូរ៉េខាងត្បូង ២ឆ្នាំជាប់គ្នា

2018-01-05 08:28:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោកស្រី សួង ភាវី គឺជាជយលាភីជើងឯកកីឡាស្នូកឃ័រប្រចាំកូរ៉េខាងត្បូង ២ឆ្នាំជាប់គ្នា គឺឆ្នាំ២០១៦ និង២០១៧។ នេះបើតាមការឲ្យដឹងពីទំព័រហ្វេសប៊ុករបស់ស្ថានឯកអគ្គរាជទូតកម្ពុជា ប្រចាំនៅកូរ៉េខាងត្បូង នៅថ្ងៃទី៥ ខែមករានេះ។

លោកស្រី សួង ភារី

លោកស្រី សួង ភាវី មានស្រុកកំណើតនៅក្រុងសួង ខេត្តត្បូងឃ្មុំ ហើយបានទៅរស់នៅកូរ៉េខាងត្បូង ជាង ៧ឆ្នាំមកហើយ។ ដោយទទួលបានការគាំទ្រពីស្វាមីជនជាតិកូរ៉េនោះ លោកស្រី សួង ភាវី បានទទួលពានរង្វាន់ស្នូកឃ័រចំនួន ៣៣ពាន ក្នុងនោះបានទទួលជយលាភីចំណាត់ថ្នាក់លេខ១ ចំនួន ១០ដង លេខ២ ចំនួន ១០ដង។

ក្នុងជំនួបសំណេះសំណាលគ្នាមួយកាលពីថ្ងៃទី៤ ខែមករា លោក ឡុង ឌីម៉ង់ ឯកអគ្គរាជទូតកម្ពុជាប្រចាំកូរ៉េខាងត្បូង បានសន្យាជាមួយលោកស្រី សួង ភាវី ថាលោកនឹងសិក្សាពីនីតិវិធី និងស្នើសុំជំនួយពីក្រសួងការបរទេសកម្ពុជា និងគណៈកម្មាធិការជាតិអូឡាំពិក ដើម្បីបញ្ចូលឈ្មោះលោកស្រី សួង ភាវី ជាជម្រើសជាតិកម្ពុជាលើផ្នែកកីឡាស្នូកឃ័រ ដើម្បីផ្ដល់ឱកាសឲ្យលោកស្រី មានសិទ្ធពេញលេញ ក្នុងការលេងតំណាងឲ្យកម្ពុជា និងមានឱកាសប្រកួតលើឆាកអន្ដរជាតិកាន់តែទូលំទូលាយ៕