អ្នកគ្រប់គ្រងក្លឹប Terengganu ទូន្មានកីឡាករ មុនធ្វើដំណើរមកប្រកួតនៅកម្ពុជា

2018-01-06 03:20:39
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Haji Wan Nawawi Bin Haji Wan Ismail អនុប្រធានសមាគមបាល់ទាត់រដ្ឋ Terengganu បានប្រាប់ដល់កីឡាករទាំងអស់របស់ក្លឹបបាល់ទាត់ Terengganu FC ព្យាយាមដកស្រង់បទពិសោធ នៅក្នុងការប្រកួតមិត្តភាពនៅកម្ពុជា ដែលចាប់ផ្ដើមនៅដើមខែមករា ឆ្នាំ២០១៨នេះ។

Terengganu ហ្វឹកហាត់មុនធ្វើដំណើរមកកម្ពុជា

លោក Wan Nawawi បាននិយាយថា កីឡាករទាំងអស់ត្រូវឆ្លៀតឱកាសអំឡុងដំណើរការ Pre-season ដើម្បីពង្រឹងសមត្ថភាពរបស់ពួកគេ ព្រមទាំងស្វែងយល់ចិត្តគ្នាទៅវិញទៅមក មុនការចាប់ផ្ដើមលីគកំពូលម៉ាឡេស៊ី រដូវកាល ២០១៨ នៅខែក្រោយ។ លើសពីនេះ លោកយល់ថា ការប្រកួតទាំងនេះជាការវាយតម្លៃលើសមត្ថភាពកីឡាករសម្រាប់ក្រុមគ្រូបង្វឹកផងដែរ។

គួរបញ្ជាក់ថា ល្ងាចនេះ ក្រុម Terengganu FC ដែលនឹងមានសមាជិកកីឡាករកម្ពុជា ធារី ចន្ថាប៊ីន នឹងធ្វើការប្រកួតមិត្តភាពជាមួយក្លឹបជើងឯក Hun Sen Cup 2017 ព្រះខ័នរាជស្វាយរៀង នៅពហុកីឡដ្ឋានជាតិ វេលាម៉ោង ៦:៣០ នាទីល្ងាច។ បន្ទាប់ពីការប្រកួតនេះ ក្រុមដដែលនឹងត្រូវជួបក្រុមក្រសួងការពារជាតិ នៅថ្ងៃទី៨មករា និងជួបក្លឹបភ្នំពេញក្រោន នៅថ្ងៃទី៩មករា៕