Neymar បង្ហោះសារបង្អាប់ Coutinho ពេលផ្ទេរទៅអតីតក្លឹបចាស់របស់ខ្លួន

2018-01-09 06:31:02
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

តារាបាល់ទាត់ Neymar របស់ក្លឹប PSG នៅបារាំង បានបង្ហោះសារនៅលើបណ្ដាញសង្គម Instagram ដោយប្រើពាក្យបង្អាប់ទៅលើកីឡាករចំណូលថ្មីរបស់ Barcelona គឺ Philippe Coutinho ដែលបានផ្ទេរពី Liverpool ជាផ្លូវការកាលពីម្សិលមិញ ក្នុងតម្លៃខ្លួនថ្លៃជាងគេលំដាប់ទីពីរ ១៩២លានដុល្លារអាមេរិក។

Neymar ដែលជាកីឡាករមានតម្លៃខ្លួនផ្ទេរពី Barcelona ទៅ PSG ថ្លៃជាងគេលើលោកកាលពីដើមរដូវកាល២០១៧-១៨ បានសរសេរថា៖ «ចូលរួមរីករាយសម្រាប់ឯង Philippe Coutinho ខ្ញុំជូនពរឲ្យឯងទទួលបានជោគជ័យនៅក្នុងពិភពបាល់ទាត់។ ខ្ញុំដឹងថាឯងនឹងរីករាយជាមិនខាន ហើយជួយប្រាប់ខ្ញុំផង ម៉ូដសក់របស់ឯងឡូយណាស់»។

ទោះជាយ៉ាងណា Coutinho និងជាមិត្តរួមសញ្ជាតិប្រេស៊ីលរបស់ Neymar មិនទាន់អាចបង្ហាញខ្លួនឲ្យ Barcelona បានឡើយ ដោយសារបញ្ហារបួសភ្លៅ ដែលត្រូវបានរកឃើញនៅពេលធ្វើតេស្តពិនិត្យសុខភាព។ តម្រូវឲ្យសម្រាកយ៉ាងតិច ៣សប្ដាហ៍។ កីឡាករវ័យ២៥ឆ្នាំរូបនេះ នឹងត្រូវសម្រាកយ៉ាងតិច ៣សប្ដាហ៍ទៀត៕