កម្ពុជា ចាប់ផ្តើមបើកកិច្ចប្រជុំកំពូល មេគង្គ-ឡានឆាង នៅរសៀលនេះ
- 2018-01-10 01:53:55
- ចំនួនមតិ 0 | ចំនួនចែករំលែក 0
កម្ពុជា ចាប់ផ្តើមបើកកិច្ចប្រជុំកំពូល មេគង្គ-ឡានឆាង នៅរសៀលនេះ
ចន្លោះមិនឃើញ
កម្ពុជា នឹងចាប់ដំណើរការកិច្ចប្រជុំកំពូលមេគង្គ-ឡានឆាង លើកទី២ នារសៀលថ្ងៃទី១០ ខែមករា ឆ្នាំ២០១៨នេះ នៅវិមានសន្តិភាព ក្នុងនាមជាម្ចាស់ផ្ទះ និងជាសហប្រធាន។ កិច្ចប្រជុំនេះមានការចូលរួមពីបណ្តាមេដឹកនាំនៃប្រទេសទាំង៦ រួមមាន៖ កម្ពុជា ចិន ឡាវ វៀតណាម ថៃ និងមីយ៉ាន់ម៉ា ដែលនឹងពិភាក្សារកដំណោះស្រាយល្អៗ ក្នុងការជំរុញការអភិវឌ្ឍប្រកបដោយចីរភាព មិត្តភាព និងសន្តិភាពរវាងប្រទេសនៅតាមដងទន្លេមេគង្គ ភ្ជាប់ទៅនឹងទន្លេឡានឆាង ប្រទេសចិន។
បន្ទាប់ពីកិច្ចប្រជុំកំពូល នៅម៉ោង ៦ល្ងាច នឹងមានពិធីផ្ទេរតំណែងសហប្រធានជូនសាធារណរដ្ឋប្រជាធិបតេយ្យប្រជាមានិតឡាវ។ ក្រោយមកសហប្រធានកិច្ចប្រជុំ គឺសម្តេច ហ៊ុន សែន និងនាយករដ្ឋមន្ត្រីចិន លោក លី កឺឈាំង នឹងធ្វើសន្និសីទសារព័ត៌មានរួម ដោយមិនមានសំណួរ និងចម្លើយ ជាមួយអ្នកសារព័ត៌មានទេ។
នៅម៉ោង ៧ យប់ថ្ងៃដដែលនេះ ពិធីជប់លៀងអាហារពេលល្ងាច នឹងត្រូវរៀបចំឡើង ក្រោមអធិបតីភាព សម្តេច ហ៊ុន សែន និងសម្តេចកិត្តិព្រឹទ្ធបណ្ឌិត ដោយមានការសម្តែងសិល្បៈ។ នៅព្រឹកថ្ងៃទី១១ ខែមករា ឆ្នាំ២០១៨ ប្រមុខរដ្ឋ និងប្រមុខរដ្ឋាភិបាល និងភរិយា នៃបណ្តាប្រទេសមេគង្គ-ឡានឆាង នឹងអញ្ជើញត្រឡប់ទៅវិញ។ ដោយឡែក នាយករដ្ឋមន្ត្រីចិន នឹងបន្តទស្សនកិច្ចផ្លូវការ នៅកម្ពុជា៕