ទិដ្ឋភាពនាយករដ្ឋមន្រ្ដីវៀតណាម និងនាយករដ្ឋមន្រ្ដីឡាវ មកដល់កម្ពុជារសៀលនេះ

2018-01-10 06:54:17
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

នាម៉ោងប្រមាណ ១រសៀលថ្ងៃទី១០ ខែមករានេះ លោក ង្វៀន សួនហ៊្វុក (Nguyen Xuan Phuc) នាយករដ្ឋមន្រ្តីវៀតណាម និងលោក ថងលូន ស៊ីស៊ូលីត (Thongloun Sisoulith) នាយករដ្ឋមន្រ្តីឡាវ បានធ្វើដំណើរមកដល់ប្រទេសកម្ពុជាហើយ ដើម្បីចូលរួមកិច្ចប្រជុំកំពូលមេគង្គ-ឡានឆាង លើកទី២ នៅរាជធានីភ្នំពេញ។

ក្រៅពីមេដឹកនាំប្រទេសទាំង២ នៅមានមេដឹកនាំប្រទេស ៣ ផ្សេងទៀត ក៏មកដល់កម្ពុជា នារសៀលថ្ងៃនេះដែរ គឺលោក លី ខឺឈាង (Li Keqiang) នាយករដ្ឋមន្រ្តីចិន លោក មិន ស្វេ (Myint Swe) អនុប្រធានាធិបតីមីយ៉ាន់ម៉ា លោក ប្រាយុទ្ធ ចាន់អូចា (Prayut Chan-o-cha) នាយករដ្ឋមន្រ្ដីថៃ។

ទិដ្ឋភាពនៃការមកដល់នៃនាយករដ្ឋមន្រ្ដីវៀតណាម ង្វៀន សួនហ៊្វុក

ទិដ្ឋភាពនៃការមកដល់នៃនាយករដ្ឋមន្រ្ដីឡាវ ថងលូន ស៊ីស៊ូលីត

គួរបញ្ជាក់ថា កម្ពុជា នឹងចាប់ដំណើរការកិច្ចប្រជុំកំពូលមេគង្គ-ឡានឆាង លើកទី២ នាម៉ោង ៤រសៀល ថ្ងៃទី១០ ខែមករា ឆ្នាំ២០១៨នេះ នៅវិមានសន្តិភាព ក្នុងនាមជាម្ចាស់ផ្ទះ និងជាសហប្រធាន។ កិច្ចប្រជុំនេះមានការចូលរួមពីបណ្តាមេដឹកនាំនៃប្រទេសទាំង៦ រួមមាន៖ កម្ពុជា ចិន ឡាវ វៀតណាម ថៃ និងមីយ៉ាន់ម៉ា ដែលនឹងពិភាក្សារកដំណោះស្រាយល្អៗ ក្នុងការជំរុញការអភិវឌ្ឍប្រកបដោយចីរភាព មិត្តភាព និងសន្តិភាពរវាងប្រទេសនៅតាមដងទន្លេមេគង្គ ភ្ជាប់ទៅនឹងទន្លេឡានឆាង ប្រទេសចិន៕

អត្ថបទ៖ សុខ សុវត្ថិ