មេ Amazon វ៉ាដាច់ Bill Gates ក្លាយជាសេដ្ឋីមានបំផុតលើលោក

2018-01-10 09:02:34
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ទ្រព្យសម្បត្តិលោក Jeff Bezos ស្ថាបនិករបស់ក្រុមហ៊ុន Amazon កើនឡើងដល់ ១០៥,១ពាន់លានដុល្លារហើយ គិតត្រឹមថ្ងៃចន្ទ ទី០៨ មករា ២០១៨។ នេះបើយោងតាមរបាយការណ៍ចេញដោយ Bloomberg Billionaires Index កាលពីពេលថ្មីៗ។

លោក Jeff Bezos

ការកើនឡើងនៃទ្រព្យសម្បត្តិនេះ ដោយសារតែការលក់របស់ Amazon មានការកើនឡើងខ្លាំងដល់ទៅ ៥៧% នៅឆ្នាំ២០១៧ និង ៦,៦% នៅដើមឆ្នាំ២០១៨ អំឡុងបុណ្យចូលឆ្នាំសកល។

ប្រាក់របស់លោក Jeff Bezos នៅពេលនេះ បានបំបែកកំណត់ត្រាចាស់របស់លោក Bill Gates ស្ថាបនិក Microsoft ដែលធ្លាប់មានទ្រព្យសម្បត្តិដល់ ១០០ពាន់លានដុល្លារ កាលពីឆ្នាំ១៩៩៩។ លោក Jeff មិនមែនទើបតែវ៉ាដាច់លោក Bill Gates ក្លាយជាកំពូលសេដ្ឋីពិភពលោកឡើយ។ ទ្រព្យសម្បត្តិរបស់លោក Jeff ឡើងដល់ ១០០ពាន់លានដុល្លារតាំងតែពីខែតុលា ឆ្នាំ២០១៧មកម៉្លេះ ខណៈដែល Bill Gates មានជាង ៩០ពាន់លានដុល្លារប៉ុណ្ណោះ។

លោក Bill Gates

គួរបញ្ជាក់ថា បើតាមរបាយការណ៍ លោក Bill Gates គួរតែមានទ្រព្យសម្បត្តិដល់ ១៥០ពាន់លានដុល្លារឯណោះ គិតត្រឹមពេលបច្ចុប្បន្ននេះ ប្រសិនបើជាលោកមិនបរិច្ចាគលុយដល់អង្គការសប្បុរសធម៌ Bill & Melinda Gates Foundation នោះទេ។ ការបរិច្ចាគរបស់លោក Bill Gates ធ្វើឡើងចាប់តាំងពីឆ្នាំ១៩៩៦ ដោយក្នុងនោះលោកធ្លាប់បរិច្ចាគហ៊ុន Microsoft ជិត ៧០០លានហ៊ុន និងថវិកាប្រមាណ ២,៩ពាន់លានដុល្លារ ក៏ដូចជារបស់របរមានតម្លៃមួយចំនួនធំទៀត៕

ប្រភព៖ Time ប្រែសម្រួល៖ ឈាង.