ប្រទេសមេគង្គ-ឡានឆាង ប្តេជ្ញាគាំទ្រវិធានការសំខាន់៤លើផ្នែកនយោបាយនិងសន្ដិសុខ
- 2018-01-11 00:31:05
- ចំនួនមតិ 0 | ចំនួនចែករំលែក 0
ប្រទេសមេគង្គ-ឡានឆាង ប្តេជ្ញាគាំទ្រវិធានការសំខាន់៤លើផ្នែកនយោបាយនិងសន្ដិសុខ
ចន្លោះមិនឃើញ
តាមសេចក្ដីថ្លែងការណ៍ទីក្រុងភ្នំពេញ នៃកិច្ចប្រជុំកំពូលមេគង្គ-ឡានឆាង លើកទី២ កាលពីថ្ងៃទី១០ ខែមករា ឆ្នាំ២០១៨ នៅរាជធានីភ្នំពេញ ប្រទេសមេគង្គ-ឡានឆាង ទាំង៦ រួមមាន កម្ពុជា ថៃ ឡាវ វៀតណាម មីយ៉ាន់ម៉ា និងចិន បានប្តេជ្ញាគាំទ្រ នូវវិធានការ ៤ចំណុច សម្រាប់កិច្ចសហប្រតិបត្តិការនយោបាយ និងសន្តិសុខក្នុងតំបន់។
១- ជំរុញការផ្លាស់ប្តូរកម្រិតខ្ពស់ និងកិច្ចសន្ទនាក្នុងចំណោមមន្រ្តីនយោបាយ សភា និងរដ្ឋាភិបាលស្របតាមស្មារតី នៃកិច្ចសហប្រតិបត្តិការមេគង្គ-ឡានឆាង។
២- ពង្រឹងកិច្ចសហប្រតិបត្តិការ ដើម្បីរក្សាសន្តិភាព និងស្ថិរភាពក្នុងអនុតំបន់ ដោយប្រកាន់ខ្ជាប់នូវគោលការណ៍មិនជ្រៀតជ្រែកចូលកិច្ចការផ្ទៃក្នុងរបស់ប្រទេសដទៃទៀត។
៣- ពង្រឹងកិច្ចសន្ទនាលើការអនុវត្តច្បាប់ និងកិច្ចសហប្រតិបត្តិការ ក្នុងការប្រយុទ្ធប្រឆាំងនឹងបញ្ហាសន្តិសុខមិនប្រពៃណី ដើម្បីផលប្រយោជន៍រួម។
៤- ពង្រឹងកិច្ចសហប្រតិបត្តិការក្នុងវិស័យទប់ស្កាត់ និងការកាត់បន្ថយគ្រោះមហន្តរាយ ជំនួយមនុស្សធម៌ ដោយលើកឡើងអំពីផលប៉ះពាល់ នៃបម្រែបម្រួលអាកាសធាតុ ការធានានូវសន្តិសុខស្បៀង ទឹក និងថាមពលរួមបញ្ចូលទាំងការផ្លាស់ប្តូរទិន្នន័យព័ត៌មាន៕