ពិព័រណ៍សមិទ្ធផលនៃកិច្ចសហប្រតិបត្តិការមេគង្គ-ឡានឆាង បើកឲ្យមហាជនចូលទស្សនា

2018-01-11 23:58:51
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

រាជរដ្ឋាភិបាល បានប្រកាសឲ្យមហាជន ចូលទស្សនាពិព័រណ៍សមិទ្ធផលនៃកិច្ចសហប្រតិបត្តិការមេគង្គ-ឡានឆាង លើកទី២ រយៈពេល៩ថ្ងៃ នៅទីស្ដីការគណៈរដ្ឋមន្ត្រី ក្នុងរាជធានីភ្នំពេញ។ ការបើកឱកាសឲ្យមហាជន ចូលទស្សនាពិព័រណ៍នេះ ធ្វើឡើងតាមប្រសាសន៍ណែនាំរបស់សម្តេចនាយករដ្ឋមន្ត្រី ហ៊ុន សែន បន្ទាប់ពីកិច្ចប្រជុំកំពូល មេគង្គ-ឡានឆាង លើកទី២ កាលពីថ្ងៃទី១០ ខែមករា។

ប្រជាពលរដ្ឋ មន្ត្រីរាជការ សិស្ស និស្សិតទាំងអស់ អាចចូលទស្សនាពិព័រណ៍នេះ ចាប់ពីថ្ងៃទី១២ ដល់ថ្ងៃទី២០ ខែមករា ឆ្នាំ២០១៨ វេលាម៉ោង ៨ និង ៣០ នាទី ដល់ម៉ោង ១៧ និង ៣០ នាទី នៅវិមានសន្តិភាពនៃទីស្តីការគណៈរដ្ឋមន្ត្រី។

សូមបញ្ជាក់ថា កិច្ចប្រជុំកំពូលនៃកិច្ចសហប្រតិបត្តិការ មេគង្គ-ឡានឆាង លើកទី២ ត្រូវបានប្រារព្ធបើកកាលពីរសៀលថ្ងៃទី១០ ខែមករា ឆ្នាំ២០១៨ នៅវិមានសន្តិភាព នៃទីស្តីការគណៈរដ្ឋមន្ត្រី ដែលមានមេដឹកនាំប្រទេសចំនួនប្រាំមួយចូលរួម និងដឹកនាំប្រជុំដោយលោក លី ខឺឈាង នាយករដ្ឋមន្ត្រីនៃសាធារណរដ្ឋប្រជាមានិតចិន និងសម្តេច ហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជា ធ្វើជាសហប្រធាននៃកិច្ចប្រជុំកំពូលនេះ៕

អត្ថបទ៖ លីហៀង