អាជ្ញាកណ្ដាលម្នាក់ល្បីពេញអ៊ីនធឺណិត ដោយទាត់កីឡាកររបស់ Nantes ហើយឲ្យកាតទៀត

2018-01-15 05:04:27
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Tony Chapron បានបង្កភាពភ្ញាក់ផ្អើលពាសពេញបណ្ដាញសង្គម និងត្រូវបានចុះផ្សាយដោយសារព័ត៌មានធំនានា បន្ទាប់ពីរូបលោកបានទាត់ជើងកីឡាករ Diego Carlos របស់ក្លឹប Nantes ហើយបានផ្ដល់កាតលឿងជាលើកទី២ ស្មើកាតក្រហម បណ្ដេញចេញពីទីលាន ក្នុងការប្រកួតដែល PSG យកឈ្នះ Nantes ១-០ កាលពីយប់មិញ។

ហេតុការណ៍នេះ បានកើតឡើង នៅពេលដែល PSG វាយបកមកទីរបស់ Nantes នៅនាទី៩០បូក ខណៈ Diego បានរត់ទៅបុកពីក្រោយ បណ្ដាលអាជ្ញាកណ្ដាលលោក Tony ដួល។ ដូច្នេះ លោក Tony បានធាក់ Diego និងក្រោកឈរផ្ដល់កាតលឿង ព្រោះអាចគិតថាជាចេតនា។

សារព័ត៌មាន Goal បានចុះផ្សាយនៅថ្ងៃទី១៥មករានេះថា ប្រធានក្លឹប Nantes លោក Waldemar Kita គ្រោងប្ដឹងអាជ្ញាកណ្ដាល Tony ។ លោកគិតថា ទង្វើនេះគួរតែទទួលការពិន័យ ដោយព្យួរមិនឲ្យធ្វើអាជ្ញាកណ្ដាលរយៈពេល ៦ខែ។ ចំណែក សារព័ត៌មាន The Guardian និង Evening Standard វិញចុះផ្សាយថា អាជ្ញាកណ្ដាល Tony Chapron ទាត់កីឡាកររបស់ Nantes មុនបណ្ដេញចេញពីទីលាន។

ទស្សនាវីដេអូ

សូមបញ្ជាក់ថា ១គ្រាប់របស់ PSG រកបានដោយកីឡាករ Angel Di Maria ។ លទ្ធផលនេះ ធ្វើឲ្យ PSG ដាច់ពីក្រុមលេខ២ Monaco ចំនួន ១១ពិន្ទុនៅក្នុងតារាងលីគកំពូលបារាំង ដោយមាន ៥៣ពិន្ទុ គិតត្រឹមសប្ដាហ៍ទី២០៕

ប្រភព៖ Goal ប្រែសម្រួល៖ លាភ.