អគ្គិភ័យកើតឡើងបន្តបន្ទាប់គ្នា ២ករណី នៅរាជធានីភ្នំពេញថ្ងៃនេះ

2018-01-15 13:26:26
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អគ្គិភ័យបានកើតឡើង ២ករណី នៅរាជធានីភ្នំពេញ នាថ្ងៃទី១៥ ខែមករា ឆ្នាំ២០១៨ នេះ។

ករណីទី១ វេលាម៉ោង ២:២០នាទីរសៀល អគ្គិភ័យបានឆាបឆេះផ្ទះប្រជាពលរដ្ឋនៅចំណុចផ្លូវលេខ ១៩ កែង ១១៨ ក្នុងសង្កាត់ផ្សារចាស់ ខណ្ឌដូនពេញ។ អគ្គិភ័យនេះ បណ្ដាលឲ្យកុមារ ២នាក់ រងរបួស គឺក្មេងប្រុសអាយុ ៤ឆ្នាំ និងក្មេងស្រី អាយុ ៥ឆ្នាំ។ មូលហេតុ គឺបណ្ដាលមកពីឆ្លងចរន្តអគ្គិសនី។ អគ្គិភ័យបានរលត់ទៅវិញនាម៉ោង ២:៤៥នាទី ក្រោយសមត្ថកិច្ចប្រើប្រាស់រថយន្តពន្លត់អគ្គិភ័យ ចំនួន ៥រថយន្ត។ យ៉ាងណាក្ដី ផ្ទះមួយខ្នងបានឆេះអស់ទាំងស្រុង។

ករណីទី២ អគ្គិភ័យបានឆេះផ្ទះប្រជាពលរដ្ឋជាច្រើនខ្នង នៅភូមិបុរីកម្មករ សង្កាត់ទឹកថ្លា ខណ្ឌសែនសុខ ទល់មុខផ្សារហេង លី ក្រោយផ្ទះសំណាក់អង្គរមាស វេលាម៉ោងប្រមាណជាង ៦ល្ងាច។ អគ្គិភ័យបានរលត់ទៅវិញ នាម៉ោងជាង ៧យប់ ប៉ុន្តែមិនទាន់មានការបញ្ជាក់ពីមូលហេតុ និងទំហំនៃការខូចខាតនោះទេ។ តាមការសន្និដ្ឋានជំហានដំបូង ផ្ទះតូចៗជាង ១០ខ្នង ត្រូវបានបំផ្លាញដោយសារអគ្គិភ័យនេះ៕