ក្រុម​បឹងកេត ត្រូវ​បាន​ក្រុម​ភ្ញៀវ​មកពី​ប្រទេស​ឡាវ Lao Toyota វាយ​បក​តាម​ស្មើ​ក្នុង​លទ្ធផល ៣-៣ នៅក្នុង​ការ​ប្រកួត​វគ្គ​ជម្រុះ​ Play Off ជើង​ទី១ នៃ​ពាន​រង្វាន់ AFC Cup 2018 ដែល​ទើបតែ​បញ្ចប់​អម្បាញ់​មិញ​នេះ នៅ​ពហុ​កីឡដ្ឋាន​ជាតិ។

គិតត្រឹម​នាទី ៦១ ក្រុម​បឹងកេត បាន​នាំមុខ Lao Toyota ទៅ​ដល់ ២​គ្រាប់ ប៉ុន្តែ​ត្រូវបាន​កីឡាករ Lao Toyota តាម​រកគ្រាប់​បាល់​បាន​ស្មើវិញ នៅ​នាទី ៨០ និង​៨៨ ហើយ​លទ្ធផល​នេះ ត្រូវបាន​រក្សា​រហូត​ដល់​ចប់​ការ​ប្រកួត។

ការ​ប្រកួត​ជើង​ទី២ នឹង​ធ្វើឡើង​នៅ​ទឹកដី​ឡាវ នា​ថ្ងៃទី ២ ខែ​កុម្ភៈ ឆ្នាំ​២០១៨។ ក្រុម​ដែល​ទទួល​ជ័យជម្នះ​ពីការ​ប្រកួត​នេះ នឹង​ត្រូវ​ទៅ​បង្រ្គប់​ក្រុម​ក្នុង​ពូល F នៃ​វគ្គ​ចែក​ពូល ដែល​រួមមាន​ក្រុម Ceres-Negros របស់​ហ្វីលីពីន Home United របស់​សិង្ហបុរី និង Shan United របស់​មីយ៉ាន់ម៉ា៕