ស្វាយរៀង តែងតាំងគ្រូបរទេសថ្មី ដែលធ្លាប់ធ្វើការនៅអៀរឡង់ និងអាមេរិក

2018-01-30 07:57:36
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្លឹបបាល់ទាត់ព្រះខ័នរាជស្វាយរៀង បានតែងតាំងគ្រូបង្វឹកថ្មីជាជនជាតិអៀរឡង់សម្រាប់រដូវកាលថ្មីដើម្បីជំនួសលោក សុំ វ៉ាន់ដេត ដែលត្រូវបានក្លឹបមួយនេះឧបត្ថម្ភគាំទ្រឲ្យទៅរៀនយកសញ្ញាប័ត្រកម្រិត A-License។ លោក Conor Nestor ធ្លាប់ធ្វើការជាមួយសហព័ន្ធកីឡាបាល់ទាត់ប្រទេសអៀរឡង់រយៈពេល១០ឆ្នាំ និងធ្វើការងារបាល់ទាត់ជាច្រើនឆ្នាំទៀតនៅសហរដ្ឋអាមេរិក។

លោក Conor Nestor បានមកប្រទេសកម្ពុជាកាលពីខែតុលា ឆ្នាំ២០១៧ ដើម្បីស្វែងយល់ពីបាល់ទាត់កម្ពុជា មុនពេលទទួលយកភារកិច្ចដឹកនាំក្លឹបព្រះខ័នរាជស្វាយរៀង។ លោកត្រូវបានតែងតាំងជាគ្រូបង្គោលរយៈពេលកុងត្រា១រដូវកាល។

លោក Conor Nestor

ចំណែក លោក សុំ វ៉ាន់ដេត ដែលជាគ្រូបង្វឹករបស់ស្វាយរៀងតាំងពីឆ្នាំ២០១២មកនោះ ក្លឹបនឹងបញ្ជូនលោកឲ្យទៅរៀនយកសញ្ញាប័ត្រកម្រិត A-License ដោយសារបច្ចុប្បន្នលោកមានតែកម្រិត B-License ប៉ុណ្ណោះ។ លោក អោក សំណាង អគ្គលេខាធិការរបស់ក្លឹបព្រះខ័នរាជស្វាយរៀងពន្យល់ថា ក្លឹបមិនបានដកលោក សុំ វ៉ាន់ដេតទៅណាទេ។ លោកនៅតែមានការងារធ្វើនៅក្លឹបស្វាយរៀងដដែល។ ថ្វីបើតែងតាំងគ្រូបង្វឹកថ្មីមែន ប៉ុន្តែក្លឹបស្វាយរៀងនៅតែផ្តល់ប្រាក់ខែដល់លោកវ៉ាន់ដេតពេញរដូវកាលថ្មីនេះ៕