Nissan ត្រៀមលុយ ៩ពាន់លានដុល្លារ វាយលុកទីផ្សាររថយន្តអគ្គិសនីនៅចិន

2018-02-05 06:36:54
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមហ៊ុន Nissan Motor Co. គ្រោងនឹងបោះទុនចំនួន ៩ពាន់លានដុល្លារ ដើម្បីវិនិយោគរយៈពេល៥ឆ្នាំ ក្នុងវិស័យផលិតរថយន្តអគ្គិសនី នៅប្រទេសចិន។

ស្ថិតនៅក្នុងគម្រោងនេះ Nissan មានបំណងលក់រថយន្តឲ្យបាន ១លានគ្រឿង គិតត្រឹមឆ្នាំ២០២២ខាងមុខ។ នេះជាការលើកឡើងរបស់លោក Jun Seki ប្រធានប្រតិបត្តិការ Nissan ប្រចាំប្រទេសចិន នៅថ្ងៃទី០៥ កុម្ភៈ ២០១៨។

Leaf រថយន្តថ្មីរបស់ Nissan សាកថាមពលម្ដង ជិះបាន ២៤០គីឡូម៉ែត្រ

ក្នុងរយៈពេល៥ឆ្នាំខាងមុខ ក្រុមហ៊ុនរថយន្តជប៉ុន Nissan នឹងផលិតម៉ូដែលរថយន្តអគ្គិសនីឲ្យបានចំនួន ២០ សម្រាប់លក់នៅក្នុងប្រទេសចិន។ Nissan បញ្ជាក់ថា ត្រឹមឆ្នាំ២០២២ ចំនួនលក់រថយន្តអគ្គិសនីនឹងកើនដល់ ៣០% នៃចំនួនលក់រថយន្តសរុបរបស់ខ្លួន។

គួររំលឹកថា Nissan មិនមែនជាក្រុមហ៊ុនរថយន្តថ្មីថ្មោងឡើយ ដែលមានគោលបំណងវិនិយោគលើវិស័យរថយន្តអគ្គិសនីនៅក្នុងមហាយក្សចិន។ កន្លងមក ក្រុមហ៊ុនគូប្រជែងជាច្រើនក៏ធ្លាប់បង្ហាញពីគម្រោងវិនិយោគនេះផងដែរដូចជា Volkswagen AG, General Motors Co., និង Honda Motor Co ជាដើម៕