Nissan គ្រោងចាប់ដៃជាមួយថៃ បង្កើតទីផ្សាររថយន្តអគ្គិសនីនៅតំបន់អាស៊ាន

2018-02-06 08:34:13
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមហ៊ុន Nissan Motor Co. កំពុងពិភាក្សាជាមួយរដ្ឋាភិបាលថៃអំពី ការផលិតរថយន្តអគ្គិសនី ដើម្បីនាំចេញក្នុងតំបន់អាស៊ីអាគ្នេយ៍។ នេះបើតាមលោកYutaka Sanada ប្រធានគ្រប់គ្រងNissanក្នុងតំបន់អាស៊ីអាគ្នេយ៍ បានបញ្ជាក់នៅថ្ងៃអង្គារនេះ។

ការតាំងបង្ហាញនូវរថយន្តអគ្គិសនីរបស់ក្រុមហ៊ុន Nissan កាលពីឆ្នាំ២០១៧

លោក Sanada បាននិយាយថា ថៃគាំទ្រនូវការវិនិយោគទុននេះ។ "យើងកំពុងពិចារណាដើម្បីផ្លាស់ការផលិតរបស់យើង ពីរថយន្តប្រើប្រាស់ប្រេងឥន្ធនៈ ទៅជារថយន្តអគ្គិសនីក្នុងរយៈពេល៣ ទៅ៥ឆ្នាំខាងមុខ"។ "រីឯពេលវេលាទៀតសោត វាអាស្រ័យទៅលើល្បឿននៃ ការផលិតអាគុយនៅក្នុងប្រទេសថៃ"។

លើសពីនេះ ក្រុមហ៊ុនNissanបានបញ្ជាក់ថា ការផលិតអាគុយនៅក្នុងតំបន់ វាត្រូវការឲ្យមានជំនួយពីរដ្ឋាភិបាលថៃ ជុំវិញការអភិវឌ្ឍផ្នែកសង្វាក់ផលិតកម្ម និងការអនុគ្រោះពន្ធសម្រាប់អ្នកប្រើប្រាស់ដែលទិញរថយន្តអគ្គិសនីនេះ។

គួរបញ្ជាក់ថា រដ្ឋាភិបាលថៃ ចង់ឲ្យក្រុមហ៊ុនផលិតរថយន្ត ប្រើប្រាស់នូវប្រភពនៃការផលិតអាគុយក្នុងស្រុក ជាជាងការនាំចូលពីប្រទេសជប៉ុន ឬប្រទេសផ្សេងទៀត។

ប្រភព៖ Financial Time ប្រែសម្រួល៖ អឹុម ម៉េងស៊ាង