យប់នេះ កែវ សុខផេង អាចរកគ្រាប់បំប៉ោងសំណាញ់ក្រុមខ្លាំង JDT បានអត់?

2018-02-06 09:20:29
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្លឹបបាល់ទាត់ PKNP FC របស់កីឡាករខ្សែប្រយុទ្ធ កែវ សុខផេង នឹងត្រូវទៅសួរសុខទុក្ខក្រុមខ្លាំង Johor Darul Ta'zim (JDT) នៅក្នុងការប្រកួតសប្ដាហ៍ទីពីរ លីគកំពូលម៉ាឡេស៊ី (Malaysia Super League) នាកីឡដ្ឋាន Larkin ទីក្រុង Johor វេលាម៉ោង ៨យប់ (ម៉ោងនៅកម្ពុជា)។

កែវ សុខផេង ទើបតែបង្កើតកំណត់ត្រាមួយ ដោយបានក្លាយជាកីឡាករកម្ពុជាដំបូងគេ ដែលបានរកគ្រាប់បាល់ទីមួយ នៅក្នុងការប្រកួតផ្លូវការ នៅលីគកំពូលម៉ាឡេស៊ី កាលពីប៉ុន្មានថ្ងៃកន្លងទៅ។ ដោយការបង្ហាញខ្លួនយ៉ាងល្អក្នុងសប្ដាហ៍ដំបូង កីឡាករដដែល ត្រូវរំពឹងថា នឹងធ្វើបានល្អបន្តទៀត សម្រាប់ការប្រកួតបន្ទាប់។

នេះជាការប្រកួតដ៏សំខាន់ និងពិបាកសម្រាប់ក្រុម PKNP FC ព្រោះ JDT ជាក្រុមខ្លាំង ដែលជាជើងឯកលីគកំពូលម៉ាឡេស៊ី កាលពីរដូវកាល ២០១៧។ ទន្ទឹមនេះ ក្រុមដដែលក៏ទើបតែយកឈ្នះក្រុម Kedah ដោយលទ្ធផល ២-១ កាលពីសប្ដាហ៍ទីមួយ។ ចំណែក PKNP ត្រូវការឈ្នះដើម្បីទទួលបាន ៣ពិន្ទុបន្ថែម និងឡើងទៅឈរកំពូលតារាង បន្ទាប់ពីយកឈ្នះក្រុម Negeri Sembilan ។