Pahang របស់ CV11 មិនទាន់ស្គាល់ពាក្យថាឈ្នះ ខណៈក្រុមរបស់ ប្រាក់ មុន្នីឧត្តម បាន៣ពិន្ទុ

2018-02-08 01:28:53
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុម Pahang FA របស់ខ្សែប្រយុទ្ធ ចាន់ វឌ្ឍនាកា បានទទួលបរាជ័យជាលើកដំបូងក្នុងការប្រកួតសប្ដាហ៍ទី២ លីគកំពូលម៉ាឡេស៊ី បន្ទាប់ពីប្រកួតចាញ់ក្រុម PKNS FC ដោយលទ្ធផល ១-០។ ចំណែកក្រុម Negeri Sembilan របស់ ប្រាក់ មុន្នីឧត្តម ទទួលបាន ៣ពិន្ទុ បន្ទាប់ពីទទួលបរាជ័យក្នុងសប្ដាហ៍បើកឆាក។

ក្រុម Pahang FA ខកចិត្តយ៉ាងខ្លាំង ដោយសារធ្វើការធ្វេសប្រហែសនៅនាទី៩០ ធ្វើឲ្យក្រុមម្ចាស់ផ្ទះ PKNS រកគ្រាប់បាល់បាននៅចុងម៉ោង។ លទ្ធផលនេះ មានន័យថា ២ប្រកួតកន្លងទៅ Pahang ទើបតែរកបាន ១ពិន្ទុប៉ុណ្ណោះ ដោយកាលពីសប្ដាហ៍ទីមួយ ប្រកួតស្មើជាមួយក្រុម Perak ០-០។

ដោយឡែក សម្រាប់ក្រុម Negeri Sembilan វិញ ក្រោយបាត់បង់ឱកាសដណ្ដើមយក ៣ពិន្ទុ ពីក្រុម PKNP FC បានទទួលបានជ័យជម្នះជាលើកដំបូងលើក្រុម Kuala Lumpur ដោយលទ្ធផល ២-០ ដែលជាការរកគ្រាប់បាល់របស់ខ្សែបម្រើសញ្ជាតិអាហ្សង់ទីន Nicolas Leandro Velez ទាំងពីរគ្រាប់។

សូមបញ្ជាក់ថា ចាន់ វឌ្ឍនាកា និង ប្រាក់ មុន្នីឧត្តម សុទ្ធតែបានចូលលេងក្នុងសប្ដាហ៍ទីពីរនេះ៕