ម្ចាស់ជើងឯកTiger Street ២ជំនាន់របស់សៀមរាប មិនហ៊ានសង្ឃឹមខ្ពស់

2018-02-10 08:16:11
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រោយប្រកួតបញ្ចប់វគ្គជម្រុះជុំទី១មុននេះ និងបានឡើងទៅវគ្គបន្ទាប់ ក្រុមខ្លាំងរបស់សៀមរាប និងជាម្ចាស់ជើងឯកពីរជំនាន់ Garuda FC A បានអះអាងថា រំពឹងគ្រងជើងឯកត្រឹម ៥០ % ប៉ុណ្ណោះក្នុងព្រឹត្តិការណ៍ Tiger Street Football Festival 2018 ព្រោះមានក្រុមខ្លាំងច្រើន។

Garuda FC A

អ្នកតំណាងរបស់ក្រុមខាងលើ កីឡាករ ខាត់ មុន្នី បានឲ្យដឹងថា ក្រុមដែលជាឧបសគ្គមានចំនួន ៣ក្នុងការប្រជែងជើងឯកក្នុងនោះមាន សៀមរាប FC, Braca FC និង អប្សរា FC A ។ សម្រាប់ក្ដីរំពឹងគ្រងជើងឯកឆ្នាំនេះមានត្រឹម ៥០% ប៉ុណ្ណោះ ហើយក្ដីរំពឹងឡើងទៅភ្នំពេញមានខ្ពស់រហូត៧០%។

កីឡាកររូបនេះបន្ថែមថា ឆ្នាំនេះក្រុមរបស់ខ្លួនមានការហ្វឹកហាត់បានល្អ ពិសេសក្រុមទាំងមូលមិនមានបញ្ហាដូចឆ្នាំមុនទេ។ សម្រាប់ប្រកួតបន្ទាប់ ពួកគេនឹងត្រូវប៉ះសិស្សប្អូន Garuda FC B នៅជុំទៅទី២ ដែលនឹងធ្វើការប្រកួតនៅម៉ោង ៨ព្រឹកថ្ងៃទី១០ ខែកុម្ភៈ។ ការប៉ះសិស្សប្អូននេះដែរក្រុមរៀមច្បងបានបញ្ជាក់ថា នឹងមិនបន្ធូរដៃឡើយ ពោលគឺប្រឹងឲ្យអស់សមត្ថភាព។

ខាត់ មុន្នី

សម្រាប់មណ្ឌលសៀមរាបនេះប្រាក់រង្វាន់មាន ចំណាត់ថ្នាក់លេខ១នឹងទទួលបាន ១៥០០ដុល្លារ ក្រុមលេខ២ទទួលបាន ១០០០ដុល្លារ ក្រុមលេខ៣ទទួលបាន ៥០០ដុល្លារនិងក្រុមលេខ៤ទទួលបាន២០០ដុល្លារ។ ខណៈដែលក្រុមមានសិទ្ធិចូលរួមប្រកួតវគ្គផ្ដាច់ព្រ័ត្រជើងឯកប្រចាំប្រទេសវិញ នៅមណ្ឌលសៀមរាបនេះអនុញ្ញាតឲ្យចំនួន ១១ក្រុម៕

អត្ថបទ៖ ស្រី សុវណ្ណដារ៉ា