គន្លឹះក្នុងការថតរូបលើទូរសព្ទឲ្យបានស្អាត ពេលធ្វើដំណើរកម្សាន្ត
- 2018-02-15 03:00:00
- ចំនួនមតិ 0 | ចំនួនចែករំលែក 0
គន្លឹះក្នុងការថតរូបលើទូរសព្ទឲ្យបានស្អាត ពេលធ្វើដំណើរកម្សាន្ត
ចន្លោះមិនឃើញ
ការកាន់ទូរសព្ទថតរូប អាចនិយាយបានថា ជារឿងដ៏ងាយស្រួល ប៉ុន្តែលោកអ្នកអាចទទួលបានមកវិញនូវរូបថតដែលមិនសូវមានភាពទាក់ទាញឡើយ។ ការយល់ដឹងពីគន្លឹះខ្លះៗ អាចជួយឲ្យការថតរបស់លោកអ្នក បង្កើតបានរូបភាពដ៏គួរជាទីពេញចិត្ត សម្រាប់បង្ហោះលើបណ្ដាញសង្គមនានា ឬ រក្សាទុកមើលនៅពេលក្រោយ។ គន្លឹះ ១០យ៉ាងដែលអ្នកគួរអនុវត្តគឺ៖
១- ជូតសម្អាតកញ្ចក់កាមេរ៉ាទូរសព្ទឲ្យបានស្អាត៖ ជៀសវាងការថតរូបភាពចេញមកមិនច្បាស់ ឬ ស្រអាប់។
២- កំណត់វត្ថុដែលត្រូវផ្ដោត (Focus)៖ ចុចលើអេក្រង់លើវត្ថុណាមួយ ដែលអ្នកចង់ Focus ដើម្បីឲ្យវត្ថុនោះ ត្រូវផលិតរូបចេញមកបានច្បាស់។
៣- ថតតាមបែប Manual ៖ មុខងារនេះភាគច្រើនមាននៅលើទូរសព្ទប្រភេទ Android និងតម្រូវឲ្យអ្នកប្រើប្រាស់ស្គាល់ពីមុខងារនេះច្បាស់ទើបងាយស្រួលប្រើ ដើម្បីកំណត់ ISO ឬ Shutter Speed ដោយខ្លួនឯង។
៤- កុំ Zoom៖ បើសិនជាអាច អ្នកគួរដើរទៅកៀកវត្ថុដែលអ្នកចង់ថត ប្រសើរជាង Zoom ព្រោះវាអាចធ្វើឲ្យរូបថតផលិតចេញមក ខូចគុណភាព។
៥- ដៃត្រូវឲ្យនឹង៖ ការពាររូបថតព្រាល ជាពិសេសនៅពេលថតនៅកន្លែងខ្សោយពន្លឺ។
៦- អនុវត្តគោលការណ៍ Rule of Thirds ៖ បើអ្នកបើកមុខងារ Grip នោះអ្នកនឹងអាចឃើញខ្សែបន្ទាត់ ចែកអេក្រង់ ហើយត្រូវដាក់ខ្សែបន្ទាត់ទាំងនោះ ឲ្យចំវត្ថុដែលអ្នកចង់ថត។
៧- ប្រើប្រាស់វត្ថុផ្សេងៗ ដើម្បីនាំភ្នែកឲ្យមើលទៅកាន់វត្ថុណាមួយដែលអ្នកចង់បង្ហាញ៖ វត្ថុទាំងនោះអាចជា បង្កាន់ដៃស្ពាន ទន្លេ ខ្សែ ឬ វត្ថុផ្សេងៗ។
៨- ថតចេញពីមុំដែលមនុស្សទូទៅ មិនធ្លាប់ថត៖ វាអាចកើតចេញពីការច្នៃប្រឌិតរបស់អ្នកថតតែម្ដង។
៩- ជ្រើសរើសផ្ទៃខាងក្រោយនៃវត្ថុ ដែលមិនមានភាពរញ៉េរញ៉ៃ៖ ធ្វើដូច្នេះ អាចធ្វើឲ្យភ្នែកអ្នកមើល ចាំអារម្មណ៍តែលើវត្ថុដែលអ្នកចង់បង្ហាញ។
១០- ប្លង់មួយ ត្រូវថតឲ្យបានច្រើនសន្លឹក៖ ធ្វើដូច្នេះ អាចឲ្យអ្នកងាយស្រួលក្នុងការជ្រើសរើសយករូបណាមួយដែលអ្នកពេញចិត្ត៕