Tiger Street បានរកឃើញជើងឯកនៅប៉ោយប៉ែតហើយ

2018-02-19 03:06:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុម Family FC A បានក្លាយជាជើងឯកពានរង្វាន់ Tiger Street Football Festival 2018 ប្រចាំមណ្ឌលប៉ោយប៉ែតក្រោយផ្ដួលក្រុម Poipet Empier FC នៅវគ្គផ្ដាច់ព្រ័ត្រ ក្នុងលទ្ធផល ៦-៣ មុននេះ។

នៅមណ្ឌលខាងលើនេះការប្រកួតធ្វើឡើងតែ១ថ្ងៃប៉ុណ្ណោះ បើទោះជាមានក្រុមចូលរួមដល់ទៅ៥០ក្រុមក៏ដោយ។ ក្រោមក្រសែភ្នែកអ្នកគាំទ្រនៅជាយដែនប៉ោយប៉ែត ក្រុមទាំងអស់លេងដោយមានស្មារតីខ្លាំងមែនទែន ពោលគឺប្រកួតយ៉ាងស្វិតស្វាញទម្រាំស្វែងរកក្រុមឈ្នះបាន។ ចំពោះចំណាត់ថ្នាក់ក្រុមលេខ១ដល់លេខ៤រួមមាន៖

ក្រុមជើងឯកនៅមណ្ឌលប៉ោយប៉ែតគឺ Family FC A ប្រាក់រង្វាន់១ ០០០ដុល្លារ
ក្រុមជើងឯករង បានទៅលើក្រុម Poipet Empier FC ប្រាក់រង្វាន់៧០០ដុល្លារ
ក្រុមចំណាត់ថ្នាក់លេខ៣ បានទៅលើក្រុម Family FC B ប្រាក់រង្វាន់៣៥០ដុល្លារ
ក្រុមចំណាត់ថ្នាក់លេខ៤បានទៅលើ Samrong FC ប្រាក់រង្វាន់ ១៥០ដុល្លារ

នៅមណ្ឌលនេះដែរក្រុមដែលមានសិទ្ធិឡើងទៅលេងនៅវគ្គផ្ដាច់ព្រ័ត្រយកតែ៣ក្រុមប៉ុណ្ណោះ ពីចំណាត់ថ្នាក់លេខ១ដល់លេខ៣។ ខណៈដែលក្រុមបានលេខ៤មិនមានឱកាសទៅលេងនៅភ្នំពេញនោះទេ។

នាល្ងាចនេះដែរ កម្មវិធី Tiger Street ក៏មានការប្រគំតន្ត្រីយក្សមួយដែរ ដោយមានការចូលរួមពីតារាចម្រៀងល្បីៗដូចជា Zono ឳក សុគន្ធកញ្ញា ណុប បាយ៉ារឹទ្ធ Step និងរ៉េត ស៊ូហ្សាណា ជាដើម៕