ព្រឹទ្ធសភា នឹងបើកកិច្ចប្រជុំពិនិត្យលើច្បាប់ដាក់ទោសអ្នកប្រមាថព្រះមហាក្សត្រ

2018-02-19 07:00:02
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

នៅថ្ងៃទី២០ ខែកុម្ភៈ ឆ្នាំ២០១៨ស្អែកនេះ គណៈកម្មាធិការអចិន្ត្រៃយ៍ នៃព្រឹទ្ធសភា នឹងបើកកិច្ចប្រជុំដើម្បីពិនិត្យ និងសម្រេចលើសំណើរបស់គណៈកម្មការទី៦ និងគណៈកម្មការទី៩ របស់ព្រឹទ្ធសភា លើរបៀបវារៈរបៀបវារៈចំនួន៤ ក្នុងនោះរួមមាន ច្បាប់រដ្ឋធម្មនុញ្ញ និងច្បាប់ដាក់ទោសអ្នកប្រមាថព្រះមហាក្សត្រ។

កិច្ចប្រជុំ១ របស់រដ្ឋសភា កាលពីថ្ងៃទី១៤ ខែកុម្ភៈ ឆ្នាំ២០១៨

ច្បាប់រដ្ឋធម្មនុញ្ញ និងច្បាប់ដាក់ទោសអ្នកប្រមាថព្រះមហាក្សត្រ ត្រូវបានសមាជិករដ្ឋសភាចំនួន ១២៣រូប លើកដៃអនុម័តទាំងស្រុងនៅក្នុងកិច្ចប្រជុំវិសាមញ្ញ នីតិកាលទី៥ នៃរដ្ឋសភា កាលពីថ្ងៃទី១៤ ខែកុម្ភៈ ឆ្នាំ២០១៨ ។

សេចក្តីព្រាងច្បាប់ស្តីពីវិសោធនកម្មក្រមព្រហ្មទណ្ឌ ដែលគណៈរដ្ឋមន្ត្រី បានប្រជុំអនុម័តកាលពីថ្ងៃទី០២ ខែកុម្ភៈ ឆ្នាំ២០១៨ បានកំណត់ដាក់ទោសដល់អ្នកប្រមាថព្រះចេស្តាព្រះមហាក្សត្រ ត្រូវជាប់ពន្ធនាគារពី ១ឆ្នាំ ដល់ ៥ឆ្នាំ និងបង់ប្រាក់ពិន័យពី ២លានរៀល ដល់ ៥០លានរៀល៕