បងប្រុស មាស សុខសោភា បកស្រាយរឿងប្អូនស្រីចូលផលិតកម្មហង្សមាស

2018-02-21 08:33:58
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

នៅថ្ងៃនេះសារព័ត៌មានក្នុងស្រុកមួយចំនួនបានចុះផ្សាយព្រោងព្រាតថា កំពូលតារាចម្រៀងប្រចាំផលិតកម្មថោន មាស សុខសោភា បានចុះកុងត្រាចូលហង្សមាសជាផ្លូវការហើយ។

ជុំវិញការចុះផ្សាយនេះ លោក មាស សុខរតនៈ ត្រូវជាបងប្រុស និងជាអ្នកនិពន្ធបទចម្រៀងឲ្យ មាស សុខ សោភា បានបកស្រាយថា ខ្លួន និងប្អូនស្រីមិនបានទៅចុះកុងត្រាចូលផលិតកម្មហង្សមាស ដូចវិបសាយមួយចំនួនលើកឡើងនោះទេ។ លោក និងក្រុមហ៊ុនថោន មានការភ្ញាក់ផ្អើលយ៉ាងខ្លាំង ក្រោយពីទទួលបានដំណឹងមិនពិតមួយនេះ។

ប្រសិនបើប្អូនស្រីខ្លួនចុះកុងត្រាជាមួយផលិតហង្សមាសមែននោះ ខណៈនេះលោកមិនអង្គុយស្ងៀមធ្វើការនៅថោនឡើយ ប្រហែលជាទៅរៀបចំខ្លួនរង់ចាំពេលវេលាចូលទៅទ្រនំថ្មីបាត់ហើយ។

លោកថា៖" ខ្ញុំនិងប្អូនស្រីបានផុតកុងត្រានៅថោនមែន ហើយមិនចាំបាច់ចុះកុងត្រាទៀតក៏បានដែរ ព្រោះយើងធ្វើការនៅថោន ដោយក្ដីស្រលាញ់ពេញបេះដូង ដូច្នេះកុងត្រាមិនសំខាន់ទេ។ បើសិនជាយើងធ្វើការកន្លែងណាមួយផ្ដល់ស្នាមញញឹម និងភាពរីករាយដល់យើងហើយ មានរឿងអ្វីដែលត្រូវដើរចេញ"៕