Bill Gates បង្ហើបឲ្យដឹងរបស់ថ្លៃបំផុត២យ៉ាង ដែលលោកទិញពេលក្លាយជាមហាសេដ្ឋីដំបូង

2018-02-23 03:05:29
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ថ្លែងនៅក្នុងកម្មវិធីកម្សាន្តមួយឈ្មោះថា The Ellen Show កាលពីថ្ងៃទី២១កុម្ភៈ លោក Bill Gates បានប្រាប់ឲ្យដឹងថា ក្រោយក្លាយជាមហាសេដ្ឋីដំបូង លោកបានចំណាយប្រាក់ខ្ជះខ្ជាយទៅលើរបស់២យ៉ាង ដោយនោះគឺជារថយន្ត Porsche 911 និងយន្តហោះឯកជន១គ្រឿង។

រថយន្ត Porsche ដែលមហាសេដ្ឋីលំដាប់ទី២លើលោករូបនេះបានទិញ គឺនៅឆ្នាំ១៩៧៩។ ដោយសារតែបើកបរលើសល្បឿនកំណត់ លោក Bill Gates នៅអំឡុងពេលនោះបានត្រូវប៉ូលិសចាប់ឃាត់ខ្លួន និងចេញសំបុត្រពិន័យចំនួន ៣លើក។ ចាប់តាំងពីពេលនោះមក លោកបានលក់រថយន្ត Porsche នោះចោល រួចទិញរថយន្តម៉ាកផ្សេងទៀតដូចជា Porsche 930 Turbo, Jaguar XJ6 និង Ferrari 348 ជាដើម។

រថយន្ត Porsche 911

របស់ដែលថ្លៃបំផុតទី២ ដែលលោក Bill Gates បានទិញបន្ទាប់ពីក្លាយជាសេដ្ឋី គឺជាយន្តហោះឯកជន១គ្រឿង (មិនមានបញ្ជាក់ម៉ាក និងតម្លៃ)។ សូមបញ្ជាក់ថា ការទិញយន្តហោះឯកជនជារឿងធម្មតាទៅហើយសម្រាប់មហាសេដ្ឋីលើពិភពលោក តែការចំណាយនេះត្រូវលោក Bill Gates ចាត់ទុកជាការចាយវាយដ៏ថ្លៃបំផុតក្នុងជីវិតជាសេដ្ឋីលើកដំបូងរបស់លោក។

សូមជម្រាបថា គិតមកទល់នឹងឆ្នាំ២០១៨នេះ ទ្រព្យសម្បត្តិសរុបរបស់ស្ថាបនិក Microsoft រូបនេះមានចំនួន ៩១,៦ពាន់លានដុល្លារ ឈរនៅលំដាប់ថ្នាក់ទី២ជាសេដ្ឋីមានបំផុតលោក បន្ទាប់ពីលោក Jeff Bezos ដែលមានលុយចំនួន ១២៣,៦ពាន់លានដុល្លារ៕