ចំណូលនិងចំណាយ របស់សហព័ន្ធបាល់ទាត់កម្ពុជា ក្នុងឆ្នាំ២០១៧

2018-02-26 13:54:28
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្នុងឆ្នាំ២០១៧ សហព័ន្ធបាល់ទាត់កម្ពុជា រកចំណូលបានប្រមាណជាង ៧,៧លានដុល្លារ ដោយចំណូលទាំងអស់នេះបានមកពី FIFA, AFC, AFF ដៃគូសហការ និងពីសប្បុរសជននានា។ របាយការណ៍នេះ ត្រូវបានលើកឡើងក្នុងមហាសន្និបាតបូកសរុបការងារឆ្នាំ២០១៧ និងដាក់ទិសដៅឆ្នាំ២០១៨ របស់សហព័ន្ធបាល់ទាត់កម្ពុជា នៅសណ្ឋាគារភ្នំពេញ កាលពីព្រឹកថ្ងៃទី២៦ ខែកុម្ភៈ ឆ្នាំ២០១៨។

អ្នកគាំទ្រជម្រើសជាតិកម្ពុជា នៅពហុកីឡដ្ឋានជាតិ ក្នុងការប្រកួតអន្តរជាតិរបស់ក្រុមកម្ពុជា នាពេលកន្លងមក

ដោយឡែកសម្រាប់ការចំណាយរបស់សហព័ន្ធក្នុងឆ្នាំ២០១៧វិញ គឺប្រមាណជាង ៧,១៤លានដុល្លារ ដោយថវិកានៅសល់ពីការចំណាយនេះ គឺមានចំនួនជាង ៥៦,៧ម៉ឺនដុល្លារ។ កាលពីឆ្នាំ២០១៦ សហព័ន្ធទទួលបានចំណូល ជាង ៣,៦លានដុល្លារ និងចំណាយជាង ៣,៥លានដុល្លារ ហើយប្រាក់នៅសល់មានចំនួនជាង ១៦,៣ម៉ឺនដុល្លារ។

លោកនាយឧត្តមសេនីយ៍ សៅ សុខា ប្រធានសហព័ន្ធបាល់ទាត់កម្ពុជា បានអះអាងក្នុងមហាសន្និបាតនេះថា ក្នុងឆ្នាំ២០១៧កន្លងមក គឺជាឆ្នាំដែលសហព័ន្ធ បានបោះជំហានថ្មីជាច្រើន ក្នុងការជំរុញកម្មវិធីសកម្មភាពអភិវឌ្ឍន៍បាល់ទាត់ ដែលជាផ្នែកនៃគម្រោង ផែនការឈានទៅរកការធ្វើជាម្ចាស់ផ្ទះ កីឡាស៊ីហ្គេម លើកទី៣២ នាឆ្នាំ២០២៣ ខាងមុខ៕