បច្ចុប្បន្ន កម្ពុជាមានរោងចក្រកែច្នៃកៅស៊ូ ចំនួនប៉ុន្មាន?

2018-03-01 02:14:04
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ប៉ុល សុខា អគ្គនាយកនៃអគ្គនាយកដ្ឋានកៅស៊ូ នៃក្រសួងកសិកម្ម រុក្ខាប្រមាញ់ និងនេសាទ បានឲ្យដឹងថា បច្ចុប្បន្ន កម្ពុជា មានរោងចក្រសិប្បកម្មកែច្នៃកៅស៊ូ ចំនួន ១៣៩ ដោយអាចផលិតកៅស៊ូស្ងួតបានជាង ១៩ម៉ឺនតោនក្នុងមួយឆ្នាំ។

ការឲ្យដឹងរបស់លោក ប៉ុល សុខា បានធ្វើឡើងក្នុងពិធីបិទកិច្ចប្រជុំបូកសរុបលទ្ធផលការងារ ឆ្នាំ២០១៧ និងលើកទិសដៅអនុវត្តការងារឆ្នាំ២០១៨ របស់អគ្គនាយកដ្ឋានកៅស៊ូ ស្ថិតក្រោមអធិបតីភាពលោក វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ កាលពីថ្ងៃទី២៨ ខែកុម្ភៈ ឆ្នាំ២០១៨។

ក្នុងឆ្នាំ២០១៧ ប្រាក់ចំណូលបានពីការលក់ជ័រកៅស៊ូ ទទួលបានរហូតដល់ជិត ៣០០លានដុល្លារអាមេរិក ដែលចំណូលនេះបានរួមចំណែកយ៉ាងធំធេងក្នុងការទ្រទ្រង់កំណើនសេដ្ឋកិច្ចក្នុងរង្វង់៧ភាគរយ។

កៅស៊ូធម្មជាតិគឺជាដំណាំយុទ្ធសាស្រ្តដែលផ្តល់ពហុប្រយោជន៍ជាច្រើនដល់អ្នកដាំ និងដល់សេដ្ឋកិច្ចជាតិ សង្គមបរិស្ថាន ព្រមទាំងចូលរួមលើកកម្ពស់ប្រាក់ចំណូលសេដ្ឋកិច្ច និងចូលរួមកាត់បន្ថយភាពក្រីក្រ តាមរយៈការបង្កើតការងារ-មុខរបរ កាត់បន្ថយចំណាកស្រុក ផ្តល់ឈើសម្រាប់ប្រើប្រាស់ជាគ្រឿងសង្ហារិម-គម្របព្រៃឈើ ចូលរួមថែរក្សាលំនឹងបរិស្ថាន និងកាត់បន្ថយបម្រែបម្រួលអាកាសធាតុ។