ថ្ងៃនេះ ជាខួប៤ឆ្នាំ នៃរឿងអាថ៌កំបាំងរបស់ជើងហោះហើរ MH370

2018-03-08 07:08:05
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ថ្ងៃព្រហស្បតិ៍ទី៨ ខែមីនា ឆ្នាំ២០១៨ ដែលត្រូវជាទិវាសិទ្ធិនារី គឺជាថ្ងៃដែលជើងហោះហើរ MH370 របស់អាកាសចរណ៍ម៉ាឡេស៊ី បានបាត់ខ្លួន យ៉ាងអាថ៌កំបាំង អស់រយៈពេល ៤ឆ្នាំគត់ នៅប៉ែកខាងត្បូង នៃមហាសមុទ្រឥណ្ឌា។

ជើងហោះហើរ MH370 ដែលបានផ្ទុកមនុស្សចំនួន ២៣៩នាក់ បានបាត់ចេញពីរ៉ាដាចាប់ ពេលកំពុងធ្វើដំណើរចេញពីទីក្រុងកូឡាឡាំពួរ ហោះឆ្ពោះទៅកាន់ទីក្រុងប៉េកាំង កាលពីថ្ងៃទី៨ ខែមីនា ឆ្នាំ២០១៤។

ដើមឆ្នាំនេះ ការរុករករបស់ក្រុមហ៊ុនអាមេរិក មិនបានចេញជាផ្លែផ្កាអ្វីឡើយ បន្ទាប់ពីរុករកជាង ១៦ម៉ឺនគីឡូម៉ែត្រក្រឡា។ កាលពីថ្ងៃទី១១ ខែមករា ឆ្នាំ២០១៨ ក្រសួងដឹកជញ្ជូនម៉ាឡេស៊ី បានយល់ព្រមផ្ដល់ប្រាក់រង្វាន់ដល់ក្រុមហ៊ុន Ocean Infinity Limited ប្រសិនបើអាចរកឃើញសពយន្តហោះដែលបានបាត់ខ្លួន ក្នុងរយៈពេល ៩០ថ្ងៃ។

ប្រទេសអូស្ត្រាលី ម៉ាឡេស៊ី និង ចិន បានផ្អាកការរុករកនេះ កាលពីខែមករា ឆ្នាំទៅ។ មកទល់ពេលនេះ គេបានរកឃើញបំណែក ៣ ដែលត្រូវបានសន្មតថាជាបំណែករបស់ MH370 ក្នុងនោះក៏មានបំណែកស្លាបយន្តហោះ ផងដែរ៕

ប្រភព៖ Channelnewsasia ប្រែសម្រួល៖ លាភ.