រកឃើញជើងឯក Tiger Street ឆ្នាំ២០១៨ ក្រោមវត្តមានវីរបុរស Man Utd

2018-03-12 01:33:35
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមអាណាចក្របៃតងបានក្លាយជាម្ចាស់ជើងឯកពានរង្វាន់ដ៏ធំប្រចាំកម្ពុជា Tiger Street Football Festival 2018 បន្ទាប់ពីបានយកឈ្នះក្រុមស្នងការដ្ឋាននគរបាលខេត្តព្រះសីហនុ (A) ដោយលទ្ធផល ២-១ នៅវគ្គផ្តាច់ព្រ័ត្រនៅចំពោះមុខអតីតកំពូលតារាបាល់ទាត់លំដាប់ពិភពលោក Ryan Giggs។

ក្រុមអាណាចក្របៃតង

លទ្ធផលវគ្គពាក់កណ្តាលផ្តាច់ព្រ័ត្រឃើញថា 3G FC បានចាញ់ ស្នងការដ្ឋាននគរបាលខេត្តព្រះសីហនុ (A) ដោយលទ្ធផល ០-១ ខណៈក្រុមយុវជនទួលតាឯក មកពីខេត្តបាត់ដំបងបានចាញ់ក្រុម អាណាចក្របៃតង ដោយលទ្ធផល ២-៣។ ទីបំផុត ក្រុម 3G FC ទទួលបានចំណាត់ថ្នាក់លេខ៣ បន្ទាប់ពីយកឈ្នះក្រុមលេខ៤ យុវជនទួលតាឯកដោយលទ្ធផលចាស់ដៃ ៤-០។ ក្រុមខ្លាំងប្រចាំរាជធានីភ្នំពេញ អាណាចក្របៃតង ទទួលបានចំណាត់ថ្នាក់លេខ១ បន្ទាប់ពីយកឈ្នះ ស្នងការដ្ឋាននគរបាលខេត្តព្រះសីហនុ (A) ដោយលទ្ធផលតឹងតែង ២-១។

ពិធីបិទវគ្គត្រូវបានចូលរួមជាអធិបតីដោយឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា អតីតកំពូលតារាបាល់ទាត់លំដាប់ពិភពលោក Rayn Giggs ជា Brand Ambassador របស់ក្រុមហ៊ុនស្រាបៀរ Tiger និងតំណាងក្រុមហ៊ុនស្រាបៀរ Tiger ព្រមទាំងអ្នកគាំទ្រយ៉ាងច្រើនកុះករ។

ប្រាក់រង្វាន់ជើងឯកទូទាំងប្រទេស

ក្រុមលេខ១៖ អាណាចក្របៃង ទទួលបានពាន១ មេដាយមាស និងប្រាក់ ១៥០០០ ដុល្លារអាមេរិក
ក្រុមលេខ២៖ ស្នងការដ្ឋាននគរបាលខេត្តព្រះសីហនុ (A) ទទួលមេដាយប្រាក់ និងប្រាក់ ៥០០០ ដុល្លារអាមេរិក
ក្រុមលេខ៣៖ 3G FC ទទួលមេដាយសំរឹទ្ធ និងប្រាក់ ២៥០០ ដុល្លារអាមេរិក
ក្រុមលេខ៤៖ យុវជនទួលតាឯក ទទួលបានប្រាក់ ១០០០ ដុល្លារអាមេរិក