មាស សុខសោភា សង្ឃឹមផ្ទុះមួយបទ ក្នុងចំណោមបទចូលឆ្នាំខ្មែរ

2018-03-22 10:04:27
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

តារាចម្រៀងមាស សុខសោភា បានប្រាប់ឲ្យដឹងថា សម្រាប់វ៉ុលឆ្នាំថ្មីនេះ ខ្លួនមានបទចម្រៀង៥បទ ប៉ុន្តែសង្ឃឹមផ្ទុះតែ១បទប៉ុណ្ណោះ ដោយបទនោះនាងបានច្រៀងឆ្លើយឆ្លងជាមួយលោក ខេម ដែលជាចង្វាក់រាំវង់ ។

បទចម្រៀងដែលកញ្ញា សង្ឃឹមផ្ទុះនោះ គឺបទ"ឱ្យអត់ស្រឡះទៅ" ដែលបានតែងនិពន្ធ Melody និងធ្វើទំនុកច្រៀង ដោយលោកយឹម តាស្រង់។

មូលហេតុដែលនាំឲ្យកញ្ញា មាស សុខសោភា សង្ឃឹមថា បទចម្រៀង១បទខាងលើ អាចទទួលការគាំទ្រខ្លាំងនោះ ក៏ព្រោះតែក្នុងបទចម្រៀងនេះ សំឡេងរបស់នាងធ្វើបានល្អខ្លាំងស៊ីជាមួយនឹងសំឡេងរបស់លោក ខេម គួបផ្សំនឹងចង្វាក់រាំវង់ភ្លេងថ្មីផងដែរ។ ជាពិសេសនោះ អត្ថន័យនៃបទចម្រៀង គឺត្រូវចិត្តមហាជនតែម្ដង។

សូមជម្រាបថា ក្រៅពីបទរួមគ្នាជាមួយលោកខេមនេះ កញ្ញាមាស សុខសោភា ក៏មានបទចម្រៀង៤បទផ្សេងទៀតនៅក្នុងវ៉ុលចូលឆ្នាំថ្មី ដែលមានដូចជា បទ"ណាំណាវចូកកំពឹស" ច្រៀងរួមគ្នា ជាមួយ អ្នកនាង ចេន សាយចៃ។ បទ"អួតទាំងបង អួតទាំងប្អូន" ច្រៀង៤នាក់រួមគ្នា មាន ខេម, ឃុង ឃុយ និង ចេន សាយចៃ។ បទ"ចង្កេះទន់ទោរ" ច្រៀងរួមជាមួយ Tempo - BOB និង បទ"លួចស្នេហ៍អ្នកភ្លេង "ច្រៀងម្នាក់ឯង៕

អត្ថបទៈ ស៊ុនហួត