កម្ពុជា ស្ថិតក្នុងបញ្ជីរបស់ Alibaba ដើម្បីភ្ជាប់ខ្លួនទៅកាន់ទីផ្សារពិភពលោក

2018-03-26 09:21:29
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Jack Ma ស្ថាបនិកក្រុមហ៊ុន Alibaba នឹងអញ្ជើញទៅកាន់ប្រទេសថៃ នាថ្ងៃសុក្រ សប្ដាហ៍នេះ ដើម្បីប្រកាសពីគម្រោងបោះទុនវិនិយោគនៅប្រទេសថៃ ដោយបង្កើតជាមជ្ឈមណ្ឌលមួយដើម្បីចែកចាយទំនិញអនឡាញ។ ការវិនិយោគនេះ គឺជាផ្នែកមួយនៃគម្រោងរបស់ Alibaba ក្នុងការផ្សារភ្ជាប់ប្រទេសចំនួន៥ នៅតំបន់អាស៊ាន រួមទាំងកម្ពុជា ទៅកាន់ទីផ្សារពិភពលោក។

លោក Jack Ma

លោក Uttama Savanayana រដ្ឋមន្ត្រីឧស្សាហកម្មថៃ បានឲ្យដឹងថា Alibaba នឹងផ្គត់ផ្គង់ផលិតផលរបស់ខ្លួន តាមរយៈគម្រោងមជ្ឈមណ្ឌលសម្រាប់សហគ្រាសខ្នាតតូច និងមធ្យម (SMEs)។

លោករដ្ឋមន្ត្រីឧស្សាហកម្មបានបន្ថែមថា Alibaba នឹងយកប្រទេសថៃ ជាមូលដ្ឋានដើម្បីចែកចាយទំនិញរបស់ខ្លួនតែម្ដង។ មិនតែប៉ុណ្ណោះ ក្រុមហ៊ុននេះ ក៏គ្រោងបង្កើតមជ្ឈមណ្ឌលចែកចាយទំនិញរបស់ខ្លួននៅកម្ពុជា ឡាវ មីយ៉ាន់ម៉ា និងវៀតណាម ផងដែរ។

សូមជម្រាបថា គិតត្រឹមខែមករា ឆ្នាំ២០១៨ Alibaba មានតម្លៃទីផ្សារ ចំនួន ៥២៧ពាន់លានដុល្លារអាមេរិក និងក្លាយជាក្រុមហ៊ុនទី២ នៅទ្វីបអាស៊ី ដែលមានតម្លៃទីផ្សារលើសពី ៥០០ពាន់លានដុល្លារ បន្ទាប់ពីក្រុមហ៊ុន Tencent ៕

ប្រភព៖ Bangkokpost ប្រែសម្រួល៖ លាភ.