ប៉ាក់គីអៅ ព្រមវ៉ៃជាមួយជើងខ្លាំងមកពីអាមេរិកខាងត្បូង ដណ្ដើមខ្សែក្រវាត់ពិភពលោក

2018-03-29 06:36:12
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ម៉ានី ប៉ាក់គីអៅ បានចរចាពាក្យសម្ដីជាមួយអ្នកប្រដាល់សញ្ជាតិអាហ្សង់ទីន Lucas Matthysse និងបានសម្រេចចិត្តរួមគ្នា ដើម្បីជ្រើសរើសយកការប្រកួត នៅថ្ងៃទី៨ ខែកក្កដា ឆ្នាំ២០១៨។

ប៉ាក់គីអៅ ដែលធ្លាប់ឈ្នះ៥៩លើក ស្មើ៧លើក និងចាញ់២លើក នឹងឡើងសង្វៀនតទល់នឹង Matthysse នៅក្នុងទម្ងន់ Welterweight ដណ្ដើមខ្សែក្រវាត់ពិភពលោក WBA ។ ចំពោះ ទីកន្លែងប្រកួតមិនទាន់ត្រូវបានបញ្ជាក់នោះទេ។

នៅការប្រកួតលើកចុងក្រោយ ប៉ាក់គីអៅ ដែលបច្ចុប្បន្នមានវ័យ ៣៩ឆ្នាំ បានប្រកួតចាញ់អ្នកប្រដាល់អូស្ត្រាលី Jeff Horn នៅទីក្រុង Brisbane ប្រទេសអូស្ត្រាលី កាលពីថ្ងៃទី២ ខែកក្កដា ឆ្នាំ២០១៧។ ក្នុងការប្រកួតនោះ ប៉ាគីអៅ មានបញ្ហាបន្តិចបន្តួច ព្រោះអ្នកប្រដាល់សញ្ជាតិហ្វីលីពីននេះ ហាក់មានបញ្ហាកម្លាំង។

Lucas Matthysse

ចំណែក Lucas Matthysse ដែលធ្លាប់ឈ្នះ៣៩លើក ស្មើ១លើក និងចាញ់៤លើក ជាម្ចាស់ខ្សែ WBA ទម្ងន់ Welterweight ចាប់តាំងពីខែមករា ឆ្នាំ២០១៨ និងធ្លាប់ជាម្ចាស់ខ្សែក្រវាត់ WBC កាលពីឆ្នាំ២០១២ ដល់ ២០១៣ ផងដែរ៕