Rolls Royce ផលិតរថយន្តដែលតំណាងឲ្យក្រុមហ៊ុន តែ៥៥គ្រឿងប៉ុណ្ណោះ

2018-03-31 06:56:08
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ដើម្បីជាការបង្ហាញឲ្យឃើញពីភាពប្រណីតពិតៗ Rolls-Royce បញ្ចេញនូវសំណុំរថយន្តម៉ូដែល Wraith Luminary Collection ក្នុងចំនួនមានកំណត់ ត្រឹមតែ ៥៥គ្រឿងប៉ុណ្ណោះ។

រថយន្តទាំងនេះ នឹងស្ថិតក្នុងចំណោមស្នាដៃឯក ដែលអាចក្លាយជាវត្ថុសម្រាប់ប្រមូលទុកបាន ដែលរថយន្តសំណុំទាំងអស់នេះត្រូវបាននឹកច្នៃដោយក្រុមការងាររចនា Bespoke របស់ Rolls-Royce ហើយត្រូវបានប្រមូលទុកដោយអ្នកស្រលាញ់វត្ថុប្រណីតពិតៗទូទាំងពិភពលោក។

នាយកប្រតិបត្តិក្រុមហ៊ុនរថយន្ត Rolls-Royce លោក Torsten Müller-Ötvös បានថ្លែងថា រថយន្ត Wraith Luminary គឺជាសំណុំរថយន្តដ៏ស្រស់ស្អាត។ រថយន្តនេះតំណាងឲ្យម៉ាកយីហោ Rolls-Royce នាសម័យទំនើប ដែលតែងតែវិវឌ្ឍទៅមុខ ត្រួសត្រាយផ្លូវ ហើយជាម៉ាកយីហោកំពូលសម្រាប់ទំនិញប្រណីតផលិតដោយដៃ។ នេះជារថយន្ត ដែលសាទរដល់បុគ្គលមានចក្ខុវិស័យ ដែលមានភាពលេចធ្លោនៅក្នុងជំនាញរបស់ខ្លួន។

រថយន្តម៉ូដែល Wraith Luminary Collection៖

ដំបូលផ្កាយបែបទេពច្យុតិដែលមានដំបូងគេ
ការប្រើលើកដំបូងនូវការប្រើបន្ទះឈើដែលមានបញ្ចេញពន្លឺ
សរសៃដែកថែបត្បាញដោយដៃ បំពាក់នៅផ្នែកខាងក្នុងរថយន្ត
ការបង្ហាញខ្លួនលើកដំបូងក្នុងពិភពលោកនូវទឹកថ្នាំពណ៌ប្រផេះភ្លឺ។ ពណ៌ប្រផេះក្រាសជាមួយនឹងពណ៌ទង់ដែង៕