កីឡាករបឹងកេតម្នាក់ អាចចូលរួមជាមួយក្លឹបនៅលីគកំពូលថៃ

2018-04-02 06:17:38
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រធានក្រុមជម្រើសជាតិកម្ពុជា និងក្លឹបបឹងកេត ឃួន ឡាប៊ូរ៉ាវី នឹងចេញដំណើរទៅធ្វើតេស្តនៅក្លឹបមួយក្នុងលីគបាល់ទាត់កំពូលរបស់ប្រទេស។

ឃួន ឡាប៊ូរ៉ាវី បានប្រាប់ថា ខ្លួនពិតជាទៅធ្វើតេស្តនៅក្លឹបកំពូលរបស់ថៃមែន។ ការធ្វើតេស្តនេះ នឹងចំណាយពេលមួយសប្ដាហ៍។ យ៉ាងណាមិញ ខ្សែប្រយុទ្ធរូបនេះ មិនទាន់បង្ហើបឈ្មោះក្លឹបនៅឡើយទេ។ បន្ទាប់ពីចប់តេស្តមួយសប្ដាហ៍ទើបអាចដឹងថា ក្លឹបមួយណា។

រយៈពេល ២ប្រកួតចុងក្រោយក្នុងក្រុមជម្រើសជាតិកម្ពុជា ឃួន ឡាប៊ូរ៉ាវី រកគ្រាប់បាល់បានរហូត ក្នុងនោះរកបាន១គ្រាប់ពេលកម្ពុជាឈ្នះក្រុមជម្រើសជាតិឡាវ ១-០ ក្នុងការប្រកួតមិត្តភាពអន្តរជាតិនៅទឹកដីឡាវ និងក្រោយស៊ុតចូលក្រុមជម្រើសជាតិអាហ្វហ្គានីស្ថាននៅពេលកម្ពុជាចាញ់ ២-១។ កីឡាកររបស់បឹងកេតដដែល ជាម្ចាស់ស្បែកមាសក្នុងពានរង្វាន់សម្តេច ហ៊ុន សែន កាលពីឆ្នាំ២០១៧ និងជាសមាជិកដ៏សំខាន់ម្នាក់ជួយក្រុមបឹងកេតឈ្នះជើងឯកលីគកំពូលកម្ពុជា ២រដូវកាលជាប់គ្នា៕

អត្ថបទ៖ ជាន ចាន់រ៉ា