កម្ពុជា សិក្សារួចរាល់ហើយនូវគម្រោងតភ្ជាប់ផ្លូវដែក អាស៊ាន-ចិន

2018-04-04 08:53:57
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ស៊ុន ចាន់ថុល រដ្ឋមន្ដ្រីក្រសួងសាធារណរ និងដឹកជញ្ជូន បានថ្លែងថា គម្រោងផ្លូវរថភ្លើងអាស៊ាន-ចិន ចាប់ពីប្រទេសសិង្ហបុរី ម៉ាឡេស៊ី ថៃ កម្ពុជា វៀតណាម ឆ្ពោះទៅកាន់ខេត្តឃុនមីង ប្រទេសចិន ត្រូវបានកម្ពុជាសិក្សារួចរាល់ហើយ ប៉ុន្ដែនៅមានបញ្ហា២ ដែលកម្ពុជា មិនទាន់អាចសាងសង់បាន។ ការលើកឡើងនេះ ក្នុងពិធីបើកឲ្យដំណើរការជាបណ្តោះអាសន្នផ្លូវដែកពីប៉ោយប៉ែត-សិរីសោភ័ណ កាលពីព្រឹកថ្ងៃទី៤ ខែមេសា ឆ្នាំ២០១៨ នៅស្ថានីយប៉ោយប៉ែត។

លោក ស៊ុន ចាន់ថុល ថ្លែងនាពេលកន្លងមក

លោក ស៊ុន ចាន់ថុល បាននិយាយថា កម្ពុជាបានសិក្សារួចហើយពីការតភ្ជាប់ផ្លូវដែកពី បាត់ដឹង-ឡកនិញ (ព្រំដែនកម្ពុជា-វៀតណាម) ហើយវៀតណាមត្រូវធ្វើផ្លូវដែកចេញពីព្រំដែននេះ ទៅកាន់ក្រុងហូជីមិញ ដើម្បីតភ្ជាប់ផ្លូវដែកដែលមានស្រាប់ទៅកាន់ខេត្តឃុនមីង។ ប៉ុន្តែកម្ពុជា មិនទាន់មានថវិកាក្នុងការកសាងផ្លូវដែកនេះនៅឡើយ ហើយវៀតណាមក៏មិនទាន់បញ្ជាក់ពីពេលវេលានៃការសាងសង់ផ្លូវដែកនេះដែរ។

លោកថា ភាគីទាំង២ ត្រូវធ្វើកិច្ចសហការគ្នាជាមុនសិន ដោយវៀតណាមអះអាងថា យ៉ាងយូរនៅឆ្នាំ២០២០ គម្រោងផ្លូវដែកនេះ នឹងត្រូវលើកយកមកពិភាក្សា។

ចំណែកបញ្ហា១ទៀត ត្រូវបានលោករដ្ឋមន្រ្តី បញ្ជាក់ថា គឺពាក់ព័ន្ធនឹងទំហំផ្លូវដែក ដោយប្រទេសនីមួយៗក្នុងតំបន់នេះ មិនទាន់បានកំណត់ស្តង់ដារួមជាក់លាក់នៅឡើយ៕